თაღლითობის მუხლით წარუდგინეს ბრალი კაცს, რომელსაც 51 600 ლარის მისაკუთრებას ედავებიან - პროკურატურა - Netgazeti

თბილისის პროკურატურამ ბრალი წარუდგინა კაცს, რომელსაც 51 600 ლარის მისაკუთრებას ედავებიან. მას 9 წლამდე პატიმრობა ემუქრება.

“გამოძიებით დადგინდა, რომ ბრალდებულმა დაზარალებული დაარწმუნა, სასათბურე მეურნეობის მოწყობისთვის ჩინეთიდან საჭირო ტექნიკის შესყიდვა-ტრანსპორტირებაში დაეხმარებოდა. მისი მითითებით დაზარალებულმა თანხა ჩინურ კომპანიას გადაურიცხა.

რამდენიმე დღეში შემსრულებელმა ორგანიზაციამ ბრალდებულს, როგორც შუამავალს, აცნობა, რომ 51 600 ლარის ღირებულების კონკრეტული ტექნიკის მიწოდებას ვერ შეძლებდა და თანხას დამკვეთს დაუბრუნებდა, რის შემდეგაც ამ უკანასკნელმა კომპანიას თავისი საბანკო მონაცემები მიაწოდა და თანხის მის ანგარიშზე ჩარიცხვა მოითხოვა. ჩარიცხული თანხა კი სრულად მიისაკუთრა და პირადი მიზნებისთვის გამოიყენა”, – აცხადებენ უწყებაში.

პოლიციამ ბრალდებული 4 მაისს დააკავა.

გამოძიება მიმდინარეობს სისხლის სამართლის კოდექსის 180-ე მუხლის მე-3 ნაწილის ბ ქვეპუნქტებით, რაც გულისხმობს თაღლითობით დიდი ოდენობის თანხის მითვისებას.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.