ელექტროენერგია ქვეყნის მასშტაბით სრულად აღდგა - გათიშვის მიზეზი ჯერ უცნობია - Netgazeti

საქართველოს სახელმწიფო ელექტროსისტემა მედიებთან აცხადებს, რომ ქვეყნის მასშტაბით ელექტროენერგიის მიწოდება სრულად აღდგა.

უცნობი რჩება, რა გახდა ღამით ელექტროენერგიის მასშტაბურად გათიშვის მიზეზი.

„მიზეზები ჯერჯერობით ამ ეტაპზე არ არის ცნობილი, დრო სჭირდება. არ გვაქვს არანაირი ინფორმაცია, რომ დადგინდეს მიზეზი, ამას სჭირდება დრო“, – უთხრა „ტვ პირველს სახელმწიფო ელექტროსისტემის პრესსამსახურმა.

10 საათის წინ გამოქვეყნებულ განცხადებაშიც სახელმწიფო ელექტროსისტემა აცხადებდა, რომ მიმდინარეობდა „ავარიის ზუსტი მიზეზების დადგენა“, რის შესახებაც საზოგადოებას დამატებით მიაწოდებდნენ ინფორმაციას.

24 ივლისს, დაახლოებით 00:10 საათზე ქვეყნის მასშტაბით ელექტროენერგიის მიწოდება ავარიულად გაითიშა. ელექტროენერგიის გარდა მოსახლეობის ნაწილს შეუწყდა წყალიც.

GWP-მ ღამით განაცხადა, რომ ქვეყნის მასშტაბით ელექტროენერგიის მიწოდების შეწყვეტის გამო, ავტომატურად შეჩერდა „ჯორჯიან უოთერ ენდ ფაუერის“ სატუმბო სადგურების ფუნქციონირება, რის გამოც თბილისის, რუსთავისა და მცხეთის მოსახლეობის ნაწილს შესაძლოა შეეზღუდოს ან დაბალი წნევით მიეწოდოს წყალი.

„კომპანიის ტექნიკური ჯგუფები საგანგებო რეჟიმში მუშაობენ, წყალმომარაგება სრულად აღდგება ჯივიპის სატუმბო სადგურებზე ელექტროენერგიის მიწოდებისთანავე“, – ეწერა განცხადებაში.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.