„აზიმუტის“ Superjet-მა სომხეთის ცაზე განგაშის სიგნალი ჩართო - Netgazeti

რუსული მედიისა და ტელეგრამ არხების ცნობით, ავიაკომპანია „აზიმუტის“ Superjet-მა სომხეთის ცაზე განგაშის სიგნალი ჩართო.

კომპანია „აზიმუტის“ ბორტმა 7700 სიგნალი გასცა, რაც საგანგებო სიტუაციას ნიშნავს, აზუსტებს Shot.

თვითმფრინავი ერევანში, ზვართნოცის აეროპორტის მიმდებარედ წრეებს არტყამდა, რის შემდეგაც იქვე დაეშვა. Shot-ის ცნობით, მიზეზი ტექნიკური გაუმართაობა გახდა.

ბორტზე, სავარაუდოდ, 100-მდე ადამიანი იმყოფებოდა.

როგორც ცმობილია, ეს რუსული ავიაკომპანია საქართველოშიც დაფრინავს. ის რუსეთის რამდენიმე ქალაქიდან (მათ შორის: მოსკოვი, მინერალნიე ვოდი, უფა) რეგულარულ პირდაპირ ფრენებს ასრულებს თბილისისა და ქუთაისის აეროპორტების მიმართულებით.

კომპანია ფრენებს ასრულებს რუსული წარმოების Sukhoi Superjet 100 ტიპის თვითმფრინავებით, რაც მას დასავლური საავიაციო სანქციებისა და ემბარგოს (მაგალითად, Boeing-ისა და Airbus-ის თვითმფრინავებზე დაწესებული შეზღუდვების) გვერდის ავლის საშუალებას აძლევს.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.