გელა გელაძე შს მინისტრის მოადგილე აღარაა - Netgazeti

გელა გელაძე შინაგან საქმეთა მინისტრის მოადგილის პოსტიდან გათავისუფლდა.

ირაკლი კობახიძის ბრძანება გელაძის თანამდებობიდან გათავისუფლების შესახებ მთავრობის ვებ-გვერდზე გამოქვეყნდა.

შინაგან საქმეთა სამინისტროში „ნეტგაზეთს“ განუცხადეს, რომ გელა გელაძემ თანამდებობა დატოვა, რაც მის ახალ პოზიციაზე გადასვლას უკავშირდება. უწყებაში ვერ აკონკრეტებენ, საკუთარი ინიციატივით დატოვა თუ არა გელაძემ თანამდებობა, ან რა ახალ პოზიციაზე გადაჰყავთ.

გელა გელაძე შინაგან საქმეთა მინისტრის მოადგილედ თვე-ნახევრის წინ დაინიშნა, როდესაც სუს-ის უფროსის პოსტი დატოვა.

მანამდე, 2025-26 წლებში, 11 თვის განმავლობაში გელა გელაძე შინაგან საქმეთა მინისტრის თანამდებობას იკავებდა.

განახლება: მოგვიანებით, ეკონომიკის სამინისტრომ განაცხადა, რომ გელა გელაძე საქართველოს ნავთობისა და გაზის კორპორაციის სამეთვალყურეო საბჭოს წევრად დაინიშნა.

უწყების ცნობით, სამეთვალყურეო საბჭო, კორპორაციის წესდების თანახმად, სამი წევრისგან შედგება. ის ახორციელებს კონტროლს კორპორაციის საქმიანობაზე და მონაწილეობას იღებს მნიშვნელოვანი საკითხების მომზადებისა და გადაწყვეტის პროცესში.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.