ზახაროვას თქმით, ფაშინიანს სომხეთის მოსახლეობა შეცდომაში შეჰყავს - Netgazeti

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ სომხეთის პრემიერ-მინისტრი ნიკოლ ფაშინიანი ევრაზიულ ეკონომიკურ კავშირსა (ЕАЭС) და ევროკავშირს შორის არჩევანის საკითხზე გაკეთებული განცხადებების გამო გააკრიტიკა.

ზახაროვას თქმით, ფაშინიანი „სიტყვიერ ეკვილიბრისტიკას“ მიმართავს და სომხეთის მოსახლეობა შეცდომაში შეჰყავს.

„მოვისმინეთ მორიგი სიტყვიერი ეკვილიბრისტიკა, სომხეთის პრემიერ-მინისტრ ნიკოლ ფაშინიანის მორიგი გამონაგონი ევროკავშირსა და ევრაზიულ ეკონომიკურ კავშირს შორის არჩევანთან დაკავშირებით. არაფერი ახალი, ალბათ, მხოლოდ ახალი გამოთქმებია, მაგრამ კვლავ დემოკრატიული ფორმულირებები, საკუთარი მოსახლეობის შეცდომაში შეყვანა და არანაირი კონკრეტიკა“.

მისი თქმით, გაუგებარია სომხეთის ხელისუფლების ლოგიკა, რადგან, ზახაროვას შეფასებით, ჯერ მოსახლეობის აზრი უნდა გაიგონ და მხოლოდ ამის შემდეგ მიიღონ გადაწყვეტილებები.

ზახაროვამ ასევე განაცხადა, რომ სომხეთს კოლექტიური უსაფრთხოების ხელშეკრულების ორგანიზაციაში (ОДКБ) სრულფასოვანი მონაწილეობისთვის დაბრუნების შესაძლებლობა კვლავ აქვს, თუმცა, მისივე თქმით, „პარტნიორებს ორგანიზაციაში ძალით არავინ დააკავებს“.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.