ვოლოდიმირ ზელენსკი: პუტინი ახალ მობილიზაციასა და დარტყმებს ამზადებს - ყველაფერს გავაკეთებთ, რომ ომის დასრულებას ზამთრის დადგომამდე დათანხმდეს
"პუტინს იმედი აქვს, რომ ამ ომს კიდევ უფრო გააჭიანურებს. ის ახალ მობილიზაციასა და ახალ დარტყმებს ამზადებს. ჩვენ ვხედავთ რუსეთის ნამდვილ განზრახვებს, ვაერთიანებთ პარტნიორებს და ზეწოლას ვაძლიერებთ აგრესორზე", - აცხადებს უკრაინის პრეზიდენტი.
ვოლოდიმირ ზელენსკის თქმით, კიევი მაქსიმალურ ძალისხმევას მიმართავს, რათა რუსეთზე ზეწოლამ შედეგი ზამთრამდე, შემოდგომის განმავლობაში გამოიღოს და მოსკოვს, მშვიდობაზე დათანხმების გარდა, სხვა არჩევანი აღარ დარჩეს.
"ამ ეტაპზე 100%-ით ვერ ვიწინასწარმეტყველებთ, როდის გამოიღებს შედეგს ჩვენი ყველა დიპლომატიური ძალისხმევა, როდის მიაღწევს უკრაინის მიერ დაწესებული გრძელვადიანი სანქციები, ჩვენი დარტყმები და პარტნიორების სანქციები ზეწოლის ისეთ დონეს, რომ რუსეთს მშვიდობის გარდა სხვა ალტერნატივა აღარ დარჩეს. ჩვენ ყველაფერს გავაკეთებთ, რათა ეს ზამთრამდე, შემოდგომაზე მოხდეს", - განაცხადა ვოლოდიმირ ზელენსკიმ.
რუსთავი 2
წყარო: rustavi2.ge