ანაკლიის ახალგაზრდულ ბანაკში ახალგაზრდებისთვის მრავალფეროვანი პროგრამა გრძელდება
ანაკლიის ახალგაზრდულ ბანაკში ახალგაზრდებისთვის მრავალფეროვანი პროგრამა გრძელდება.
ახალგაზრდობის სააგენტოს ეს მასშტაბური პროექტი არაფორმალური განათლების, ჯანსაღი ცხოვრების წესისა და სამოქალაქო ინტეგრაციის ხელშეწყობას ისახავს მიზნად.
ხუთდღიანი საბანაკე პროგრამის ფარგლებში, სპორტულ და შემეცნებით ღონისძიებებთან ერთად, განსაკუთრებული ადგილი ეთმობა მოწვეულ სტუმრებთან შეხვედრებს. ამჯერად მონაწილეებს საქართველოს პარლამენტის წევრები გიორგი გაბუნია და ლიკა შარტავა ეწვივნენ.
შეხვედრა ღია დიალოგისა და კითხვა-პასუხის ფორმატში წარიმართა. სტუმრებმა ახალგაზრდებს საკუთარი პროფესიული გამოცდილება გაუზიარეს და მოისმინეს მათი მოსაზრებები სხვადასხვა აქტუალურ თემაზე.
შეგახსენებთ, რომ ანაკლიის ახალგაზრდული ბანაკი სეზონის განმავლობაში 11 ნაკადად განხორციელდება და ჯამში 2 640 ახალგაზრდას, მათ შორის უნივერსიტეტის სტუდენტებსა და სკოლის მოსწავლეებს, უმასპინძლებს.
რუსთავი 2
წყარო: rustavi2.ge