ესპანეთის ანკლავ სეუტაში ასობით მიგრანტმა საპროტესტო აქცია გამართა - ისინი ესპანეთის ხელისუფლებისგან თავშესაფრის მინიჭებას ითხოვენ | Rustavi2

ესპანეთის ანკლავ სეუტაში ასობით მიგრანტმა, ქალაქის სანაპიროზე საპროტესტო აქცია გამართა. ისინი ესპანეთის ხელისუფლებას მოუწოდებენ, მაროკოში დაბრუნების ნაცვლად, მათ თავშესაფარი მიანიჭონ, - ინფორმაციას Reuters-ი ავრცელებს.

აქცია იმ პირებმა გამართეს, რომლებიც ორი კვირის წინ საზღვრის მასიური გადაკვეთის შემდეგ სეუტაში დარჩნენ.

ურბანული რესურსების ნაკლებობის გამო, მიგრანტების უმეტესობა არასტაბილურ პირობებში, ელ ტრამპოლინის სანაპიროზე ან ქალაქის გარეუბანში ცხოვრობს და კონტინენტურ ევროპაში შეღწევის შესაძლებლობას ელოდება.

ესპანეთის შინაგან საქმეთა მინისტრმა ფერნანდო გრანდე-მარლასკამ განაცხადა, რომ ქვეყანაში არალეგალურად შესულ მიგრანტებს არ ექნებათ ანკლავში დარჩენის, კონტინენტური ესპანეთის ტერიტორიაზე გადასვლის ან ლეგალური სტატუსის მიღების უფლება, გარდა იმ იშვიათი შემთხვევებისა, რომლებიც უკიდურეს დაუცველობას ეხება.

ცნობისთვის, ორი კვირის წინ, სეუტას ტერიტორიაზე 72 000-ზე მეტი ადამიანი შეიჭრა. მათი დიდი უმრავლესობა მომდევნო დღეებში ნებაყოფლობით დაბრუნდა მაროკოში, თუმცა დაახლოებით 5 000-დან 8 000 ადამიანამდე კვლავ სეუტაში რჩება.