კუშნერი: აშშ "ჰამასის" მიერ განიარაღების პროცესის მალე დაწყებას ელის, წინააღმდეგ შემთხვევაში ისრაელის მხარდაჭერისთვის მზადაა
აშშ-ის სპეციალურმა წარმომადგენელმა ჯარედ კუშნერმა განაცხადა, რომ ღაზაში პროგრესი შესაძლოა საკმაოდ მალე იყოს, თუ ორივე მხარე ითანამშრომლებს. თუმცა, მისი თქმით, თუ ჰამასი არ განიარაღდება, აშშ მხარს დაუჭერს ისრაელის შემდგომ სამხედრო ქმედებებს ტერიტორიაზე.
"თუ ჰამასი რეალურად ნებაყოფლობით დათმობს გვირაბებში არსებულ იარაღს მომდევნო 60-90 დღის განმავლობაში, ეს ცხადია, ისრაელისთვის უზარმაზარი უსაფრთხოების საფრთხის აღმოფხვრა იქნება და თითქმის წარმოუდგენელი მიღწევა.
თუ ისინი ნაკისრ ვალდებულებას არ შეასრულებენ, ყველა დაინახავს, რომ მშვიდობის დამყარებას გულწრფელად არ ცდილობენ და ისრაელს აშშ-ისა და სხვა ქვეყნებისგან გაცილებით მეტი მხარდაჭერა ექნება იმისთვის, რომ საქმე შესაბამისი გზით ბოლომდე მიიყვანოს," - განაცხადა კუშნერმა.
კუშნერის თქმით, ჰამასის წარმომადგენლებმა კვირას გამართულ შეხვედრაზე ყველაფერი სწორად თქვეს“ თუმცა, მისივე თქმით, "ძალიან, ძალიან რთულია, ენდო ტერორისტულ ორგანიზაციას, რომელმაც ეს საშინელი სისასტიკეები ჩაიდინა".
"ჩვენ ძალიან გულითადი შეხვედრა გვქონდა, ამიტომ, ჩვენ მათ მივცემთ შანსს, იმოქმედონ, მაგრამ ეს ქმედებებსა და ნაბიჯებზე უნდა იყოს დაფუძნებული" - აღნიშნა მან.
რუსთავი 2
წყარო: rustavi2.ge