პოლიტიკური ველი უკვე ძალიან გაწმენდილია იმ მხრივ, რომ ის ძალები, რომლებიც მხოლოდ მატერიალური ინტერესებით იყვნენ ამოძრავებულნი, უკვე აღარ არიან - ირაკლი ფავლენიშვილი | Rustavi2
ოპოზიციაში დაპირისპირება გრძელდება. "ნაციონალურ მოძრაობაში" მათგან წასულებს გაყიდულები და მოღალატეები უწოდეს. პარტიის შეკრებაზე სიტყვით გამოსვლისას ირაკლი ფავლენიშვილმა თქვა, რომ ვინმესთან ენის მოჩლექით საუბარს აღარ აპირებენ.
მისივე განცხადებით, ოპოზიციური ველი უკვე დაწმენდილია და ვინც ფულზე იყიდებოდა, მათ ეს პროცესი უკვე გაიარეს.
"ნაციონალური მოძრაობა" აღარ აპირებს ენის მოჩლექვით ესაუბროს ვინმეს. ჩვენ ყოველთვის ვსაუბრობდით ერთიანობაზე, ყოველთვის ვიყავით ამის მთავარი ინიციატორები, მაგრამ ვისაც არ უნდა, ნუ უნდა. დარჩა გაუყიდავი, იდეალისტი ხალხი.
ზოგი ჭირი მარგებელიაო. ეს პოლიტიკური ველი უკვე ძალიან გაწმენდილია იმ მხრივ, რომ ის ძალები, რომლებიც ფაქტობრივად მხოლოდ მატერიალური ინტერესებით იყვნენ ამოძრავებულნი, უკვე აღარ არიან, განლევად რეჟიმში... დიდი პროტესტი იქნება, იქაც ჩვენ უნდა ვიყოთ ლიდერები, რომ ვერავინ ვერ შეძლოს გარიგება და საპროტესტო მუხტის დაშლა", - აცხადებს ირაკლი ფავლენიშვილი.
რუსთავი 2
წყარო: rustavi2.ge