აჭარის მთავრობის თავმჯდომარე გაეროს ტურიზმის ორგანიზაციის გენერალურ მდივანს შეხვდა | Rustavi2
აჭარის მთავრობის თავმჯდომარე გაეროს ტურიზმის ორგანიზაციის გენერალურ მდივანს შეხვდა. განიხილეს საქართველოსა და აჭარის ტურიზმის განვითარების, საერთაშორისო ბაზრებზე რეგიონის პოზიციონირებისა და სამომავლო თანამშრომლობის საკითხები.
ზურაბ პატარაძემ ორგანიზაციის ხელმძღვანელს აჭარის ტურისტული შესაძლებლობები და ბოლო წლებში განხორციელებული მნიშვნელოვანი პროექტები გააცნო. გაეროს ტურიზმის ორგანიზაციის გენერალურმა მდივანმა რეგიონში ტურიზმის სფეროში მიღწეულ პროგრესს გაუსვა ხაზი.
"მნიშვნელოვანი და ნაყოფიერი შეხვედრა გავმართეთ გაეროს ტურიზმის ორგანიზაციის გენერალურ მდივანთან. ჩვენ მოგვეცა შესაძლებლობა გვემსჯელა ჩვენს პარტნიორობაზე, თანამშრომლობაზე, სამომავლო გეგმებზე. ჩვენ მივაწოდეთ სრული ინფორმაცია ჩვენი რეგიონის ტურისტული პოტენციალის შესახებ, ტურიზმის სხვადასხვა სახეობების შესახებ, აჭარის რეგიონის ჩართულობაზე საერთაშორისო სხვადასხვა ღონისძიებებში", - აცხადებს აჭარის ავტონომიური რესპუბლიკის მთავრობის თავმჯდომარე ზურაბ პატარაძე.
რუსთავი 2
წყარო: rustavi2.ge