სოხუმის დაცემის დღესთან დაკავშირებით, თბილისის სახელმწიფო უნივერსიტეტში გამოფენა და თეატრალიზებული წარმოდგენა მოეწყო.
დამთვალიერებელმა ომამდელი სოხუმის ფოტოები და აფხაზეთიდან წამოღებული პირადი ნივთები ნახა. ღონისძიებაზე შეიკრიბნენ დევნილები, ეროვნული გმირების ოჯახები და მთავრობის წევრები.
შეხვედრაზე ითქვა, რომ მთავარი პასუხისმგებლობა ახალ თაობებს შორის ნდობის აღდგენა და სიძულვილის დასრულებაა.
აფხაზეთის ავტონომიური რესპუბლიკის მთავრობის თავმჯდომარის, გიორგი ჯინჭარაძის განცხადებით, მნიშვნელოვანია იმ კავშირის აღდგენა, რომელიც ქართველებსა და აფხაზებს ჰქონდათ.
"ღონისძიება ეძღვნება ყველა იმ ადამიანს, ვისაც ახსოვს ურთიერთობები ჩვენს აფხაზ ძმებთან და დებთან და ეს კავშირი არის უწყვეტი. ჩვენთვის ყველაზე მნიშვნელოვანი ამ კავშირის აღდგენაა და ის სწორი პოლიტიკა, თანმიმდევრული პოლიტიკა, რომელიც ეძღვნება ამ დიად მიზანს. ჩვენთვის უმთავრესი არის დაბრუნება აფხაზების, დაბრუნება აფხაზეთში და ერთობით ცხოვრება ძლიერ, ერთიან საქართველოში" - განაცხადა გიორგი ჯინჭარაძემ.
რუსთავი 2
წყარო: rustavi2.ge