ფრაქცია "ქართული ოცნების" თავმჯდომარის მოადგილის, ლევან მაჭავარიანის ვრცელ წერილს, პარლამენტის ფრაქცია "საქართველოსთვის" თავმჯდომარის მოადგილე პასუხობს.
გიგა ფარულავას განცხადებით, პარტიას "საქართველოსთვის" თავის დღის წესრიგი აქვს და მათ გადაწყვეტილებებს არავითარი კავშირი არ აქვს სხვა ოპოზიციური პარტიებისა თუ გაერთიანებების გადაწყვეტილებებთან.
"ჩვენ ყოველთვის გვქონდა ჩვენი დღის წესრიგი. 4 ოქტომბერს, მანამდეც, როდესაც უკვე დაიწყო სამზადისი თვითმმართველობის არჩევნებისთვის და როდესაც ვნახეთ, რომ საჭირო იყო პოლიტიკური პროცესების სხვა ეტაპზე გადასვლა, ბუნებრივია, მივიღეთ გადაწყვეტილება, შევსულიყავით პარლამენტში.
აქ სხვა პარტიებთან ან სხვა პარტიების მხრიდან გადაწყვეტილების მიღებასთან, ჩვენი გადაწყვეტილებას არავითარი კავშირი არ ჰქონდა", - განაცხადა გიგა ფარულავამ.
ცნობისთვის, ლევან მაჭავარიანი ვრცელ წერილს ავრცელებს და საუბრობს გარე ძალების მიერ, ყოველი არჩევნების წინ ოპოზიციური პარტიების სხვადასხვა კონფიგურაციით გადალაგების მცდელობებზე, ამ პროცესში NGO-ბის როლზე და ახალი პარტიების, მათ შორის გახარიას პარტიის ხელოვნურად გაჩენაზე.
მისი თქმით, ეს ძალები ერთიანი ვერტიკალით იმართებიან და მიზნად ანტისახელმწიფოებრივ ქმედებებს ისახავენ. როგორც მაჭავარიანი აღნიშნავს, გარე ძალების და მათი გეგმების ლუსტრაცია ორ ფუნდამენტურმა საკითხს, გამჭვირვალობის და ანტი-LGBT პროპაგანდის წინააღმდეგ მიმართულ კანონებს მოჰყვა.
რუსთავი 2
წყარო: rustavi2.ge