რუსთავი 2|rustavi2.ge
შპს "საქართველოს მელიორაცია" აბაშის მუნიციპალიტეტში ნოღელა-აბაშის დამშრობი მასივის მოწესრიგების სამუშაოებს ახორციელებს.
სოფელ სეფიეთში მდებარე ნოღელა-აბაშის დამშრობ მასივზე მაგისტრალური და კოლექტორული არხები ნატანი მასისა და მცენარეული საფარისგან იწმინდება. არხების საერთო სიგრძე 5875 მეტრია.
გატარებული ღონისძიებების შედეგად, აბაშის მუნიციპალიტეტში 250 ჰექტარ სასოფლო-სამეურნეო დანიშნულების მიწის ფართობზე უზრუნველყოფილი იქნება ჭარბი წყლის მოცილება, გაუმჯობესდება სადრენაჟე მომსახურება და ტერიტორიის სამელიორაციო მდგომარეობა.
დამშრობი მასივის გაწმენდითი სამუშაოები მიმდინარე წლის დეკემბრის ბოლოს დასრულდება.
გაზიარება:
რუსთავი 2
წყარო: rustavi2.ge