"ყველაფერი, რაც პოსტში მაქვს გამოქვეყნებული, არის ფაქტების კონსტატაცია. შესაბამისად, როგორც არ უნდა იტყუოს გახარიას პარტია, ამ ფაქტებს ვერ გაექცევა. ყველაზე კარგად ჩვენმა საზოგადოებამ იცის ეს ფაქტები", - ამის შესახებ პარლამენტის ფრაქცია "ქართული ოცნების" თავმჯდომარის პირველმა მოადგილემ განაცხადა, რითაც საკუთარ Facebook პოსტს გამოეხმაურა.
როგორც ლევან მაჭავარიანი აღნიშნავს, გარე აქტორების დავალებით, პარტია "ლელო" და "საქართველოსთვის" ე.წ. გადაუწყვეტელი ამომრჩევლისთვის არის თამაშში შემოყვანილი.
"საზოგადოებამ ისიც იცის, რომ, "ნაცებთან" ერთად, მათ მოღალატეობრივ წერილს მოაწერეს ხელი და გააგზავნეს ბრიუსელში 2024 წლის არჩევნების შემდეგ, სადაც ბრიუსელს ეხვეწებოდნენ საქართველოს დასანქცირებას.
საზოგადოებას ისიც კარგად ახსოვს, რომ, გარე მითების მიხედვით, გახარიას პარტია გაიქცა, როდესაც ვიღებდით ანტი-ლგბტ პროპაგანდის კანონს. გახარიას პარტიასაც მოუწია, რომ ლგბტ პროპაგანდის მხარეს დამდგარიყო.
საზოგადოებას ყველაფერი კარგად ახსოვს და ზუსტად ეს არის ის განაჩენი, რომელიც გამოუტანა ქართულმა ხალხმა, როდესაც მას გაუმესამედა ამომრჩევლის რაოდენობა 2025 წლის არჩევნებზე.
ე.წ. ნეიტრალური, გადაუწყვეტელი ამომრჩევლისთვის არის სწორედ თამაშში შემოყვანილი "ლელო" და გახარიას პარტია და მაგიტომ ცდილობენ მათი გარე ბატონები, რომ ეს ორი პარტია გამიჯნონ "ნაციონალური მოძრაობისგან".
გააგრძელებენ გარე ძალები ამ სტრატეგიით მუშაობას. 2028 წლისთვის უფრო მეტი ფსონის დადებას აპირებენ "ლელოზე" და გახარიაზე, თუმცა ისიც აღსანიშნავია, რომ წინ ელოდებათ სასამართლო პროცესი საკონსტიტუციო სასამართლოში", - განაცხადა ლევან მაჭავარიანმა.
რუსთავი 2
წყარო: rustavi2.ge