პარლამენტში ინიციირებული "საქართველოს საგადასახადო კოდექსში" ცვლილებით, წესდება ერთიანი, 100 000 ლარის ოდენობის ზღვარი, რომლის ფარგლებში ფიზიკური პირი სრულად თავისუფლდება ქონების გადასახადისგან
რუსთავი 2|rustavi2.ge
პარლამენტის ბიუროს გადაწყვეტილებით, საფინანსო-საბიუჯეტო კომიტეტი "საქართველოს საგადასახადო კოდექსში" ცვლილების დაჩქარებული წესით განხილვას დაიწყებს.კანონპროექტი ფიზიკური პირის დასაბეგრ ქონებაზე (გარდა მიწისა) ქონების გადასახადისგან გათავისუფლებისთვის განსაზღვრული ოჯახის მიერ მიღებული შემოსავლის ზღვრის 40 000 ლარიდან 100 000 ლარამდე გაზრდას ითვალისწინებს. პროექტი ასევე ითვალისწინებს აღნიშნული ცვლილების გავრცელებას იმ ქონების გადასახადზე, რომლის დეკლარირება, "საქართველოს საგადასახადო კოდექსის" შესაბამისად, 2026 წელს უნდა განხორციელდეს. პარლამენტი საკანონმდებლო ცვლილებას მიმდინარე სასესიო კვირაში მიიღებს.
გაზიარება:
რუსთავი 2
წყარო: rustavi2.ge