"ბავშვები ხომ გაწირა, ახლა მშობლებსაც გვხოცავს" - კანცელარიასთან, დიუშენის კუნთოვანი დისტროფიით დაავადებული ბავშვების მშობლებიდან ერთ-ერთი შეუძლოდ გახდა | TV პირველი

პროტესტი კანცელარიასთან - ცოტა ხნის წინ, მთავრობის ადმინისტრაციასთან დიუშენის კუნთოვანი დისტროფიით დაავადებული ბავშვების მშობლებიდან ერთ-ერთი შეუძლოდ გახდა, ის სასწრაფო დახმარების ავტომობილში გადაიყვანეს.

ბავშვები ხომ გაწირა, ახლა მშობლებსაც გვხოცავს აქვე. გამოვიდნენ, ეყოთ იმის ადამიანობა, რომ მშობლებს შეგვხვდნენ და ერთი საიმედო სიტყვა თქვან, რომ ისინი კი, ყველა მედიკამენტს შემოიტანენ, რათა ამ ბავშვების სიცოცხლე გადარჩეს. ამ ბავშებს მშობლებიც აღარ დარჩებათ და ვინ მიხედავს მერე," - ამბობს თაკო გოგოლაძე.

ცნობისთვის, დიუშენის კუნთოვანი დისტროფიით დაავადებული ბავშვების მშობლები უკვე რამდენიმე დღეა კანცელარიასთან უწყვეტ აქციას მართავენ და ირაკლი კობახიძესთან შეხვედრას ითხოვენ.

ამ დროისთვის, ადგილზე არიან მოზარდებიც ბანერებით - "ვითხოვთ წამალს".

მშობლების მხარდასაჭერად მთავრობის ადმინისტრაციასთან მივიდნენ სამოქალაქო აქტივისტები, პოლიტიკოსები, ჟურნალისტები და სხვადასხვა პროფესიის ადამიანები.