ყალბი დიდება და სიყვარული - რეალურად ვის "მოეწონა" ივანიშვილის შედარება კოსტავასთან და გამსახურდიასთან | TV პირველი
საინფორმაციო ბარათზე, სადაც ბიძინა ივანიშვილი მერაბ კოსტავას და ზვიად გამსახურდიას გვერდით დააყენეს, მოწონებები "ქართულმა ოცნებამ" ტროლების საშუალებით მოაგროვა - ეს "სამართლიანმა არჩევნებმა" დაადგინა.
ორგანიზაციის კვლევის მიხედვით, იმისთვის რომ ბიძინა ივანიშვილის საქართველოს ეროვნულ გმირებთან გათანაბრებას ბევრი მოწონება ჰქონოდა, 1500-ზე ტროლი გამოიყენეს, ანუ არ არსებული ადამიანები გამოგონილი სახელებით და გვარებით. ივანიშვილის მომწონებელთა სხვის იდენტობას იპარავს, ნაწილი კი ხელოვნური ინტელექტითაა შექმნილი.
გიორგი ვოლსკი ამტკიცებს, რომ ივანიშვილს თავი კოსტავასა და გამსახურდიასთან არასდროს გაუიგივებია საინტერესოა, იგივე რეაქცია ჰქონდა თუ არა ივანიშვილს, როცა მას ილია ჭავჭავაძეს ან ექვთიმე თაყაიშვილს ადარებდნენ.
რა მიზანი ჰქონდა დამოუკიდებლობის 35 წლისთავზე ეროვნულ-განმათავისუფლებელი მოძრაობის ლიდერებთან ერთად ივანიშვილის გაიგივებას? - ისტორიკოსი ხსნის, რომ რამდენად პრორუსულიც არ უნდა იყოს ქართული ოცნება, კარგად იაზრებენ, რომ მოსახლეობის დიდ ნაწილისთვის მათი ანტიეროვნული პოლიტიკა მიუღებელია - ამიტომ, ისტორიის გაყალბებას და ივანიშვილისთვის ეროვნული იარლიყის მიწებებას ცდილობენ.
ტვ პირველი
წყარო: tvpirveli.ge