ექსკლუზივი: ბოკუჩავა ჰყვება, რომ ფორმალურად გაუქმებულ თავმჯდომარის პოსტზე, სავარაუდოდ, კანდიდატურას არ დააყენებს | TV პირველი

"მხნედ ვარ"- ასე დაიწყო "ერთიანი ნაციონალური მოძრაობის" თავმჯდომარეობის მოვალეობის შემსრულებელმა თინა ბოკუჩავამ "რეაქციისთვის" მიცემული ექსკლუზიური ინტერვიუ.

ბოკუჩავა ამბობს, რომ ენმ-დან წასვლას არ აპირებ, თუმცა იმ პირობებში, როცა "თავმჯდომარეობის პოსტი უქმდება", ამ თანამდებობისთვის ბრძოლას, სავარაუდოდ არ აპირებს.

ბოკუჩავა TV პირველთან არ მალავს, რომ მიხეილ სააკაშვილის ახალმა გადაწყვეტილებამ, რომლის მიხედვითაც „ერთიან ნაციონალურ მოძრაობაში“ შეიქმნება „რეფორმატორთა საბჭო“, რომელსაც ის თავმჯდომარის როლში უხელმძღვანელებს, ხოლო ნანუკა ჟორჟოლიანი იქნება საბჭოს აღმასრულებელი მდივანი, საზოგადოების დაბნეულობა გამოიწვია.

მისი თქმით, პარტიის განახლებასთან დაკავშირებით, სხვადასხვა ტიპის განაცხადი მოისმინეს.

ბოკუჩავა იქვე განმარტავს, რომ პარტიის თავმჯდომარის პოსტის გაუქმება, რაზეც სააკაშვილი ბოლო მიმართვაში ამახვილებს ყურადღებას, სამართლებრივად არ მოხდება.

ჩემი ორწლიანი მანდატი, რომელიც პარტიულმა ყრილობამ მომანიჭა, 2026 წლის 8 ივლისს ამოიწურა, წესდებით გათვალისწინებულია, რომ მე გავაგრძელებ ამ მნიშვნელოვანი პასუხისმგებლობის გაგრძელებას, მანამ სანამ ახალი პარტიული ყრილობა არ აირჩევს ახალ ხელმძღვანელ პირს. მიუხედავად იმისა, რომ ახლა საუბარია თავმჯდომარის პოსტის გაუქმება მოხდეს ფორმალურად, სამართლებრივად ეს ასე ვერ მოხდება, იმიტომ რომ საქართველოს კანონი პოლიტიკური გაერთიანების შესახებ [ასეთ ნორმას არ ცნობს]. ჩვენ არ უნდა მივცეთ მიზეზი რეჟიმს, რომ დაიწყონ მოქმედებები პარტიის რეგისტრაციიდან მოხსნის გამო. [სააკაშვილის პოსტში] საუბარი იყო, რომ აღარცერთი პოზიცია არ უნდა დარჩეს გარდა პოლიტსაბჭოს თავმჯდომარისა, გამომდინარე იქიდან, რომ ლევან ხაბეიშვილი ტყვეობაშია და და მე ამ გადაწყვეტილებას აბსოლუტურად მივესალმები"- თქვა ბოკუჩავამ.