თბილისში ანტისაოკუპაციო აქცია მიმდინარეობს. მოქალაქეები თბილისის სახელმწიფო უნივერსიტეტის პირველი კორპუსიდან გმირთა მემორიალისკენ მსვლელობით მიემართებიან.

აქციაში მონაწილეობენ ოპოზიციონერი პოლიტიკოსები, სტუდენტები და სამოქალაქო აქტივისტები. მონაწილეები საქართველოს ტერიტორიული მთლიანობისთვის დაღუპულთა ხსოვნას პატივს მიაგებენ და რუსეთის ოკუპაციის დასრულებისა და ოკუპირებული ტერიტორიების დაბრუნების გზებზე საუბრობენ. მათი განცხადებით, ამ მიზნის მისაღწევად საქართველოს ძლიერი საერთაშორისო მოკავშირეების მხარდაჭერა სჭირდება.

დღევანდელი დღე არის ხსოვნის დღე და აგრეთვე მეხსიერების დღე. ჩვენ ვიხსენებთ გმირებს, პირველ რიგში, რომლებიც დაიღუპნენ იმისთვის, რომ საქართველომ იცოცხლოს. დღევანდელი ხელისუფლება, რომელიც ვერ ბედავს, რომ თქვას, ვინ არის ოკუპანტი, ზოგადად ლაპარაკობს ფრაზებით, რომ ოკუპირებულია ტერიტორია, აფხაზეთის დაბრუნების, ცხინვალის დაბრუნების და დევნილთა დაბრუნების არის ის, რომ მკაფიოდ ვთქვათ, ვინ არის მტერი. რუსეთი არის მტერი, - ამბობს პლატფორმა "აფხაზთა კრების" ლიდერი მალხაზ პატარაია.