მამუკა წერეთლის ყოფილი ცოლისა და 19 წლის შვილს მკვლელოვა - ორმაგი მკვლელობის შესახებ ახალი დეტალები ხდება ცნობილი | TV პირველი - ახალი ამბების პორტალი

თეიმურაზ გოგიაშვილს, რომელიც ელენა წერეთლის და მისი ქალიშვილის მკვლელობისთვის დააკავეს, ბრალი წაუყენეს - ინფორმაციას რუსული მედია tass.ru ავრცელებს.

ამასთან, რუსული მედიის ინფორმაციით, დაკავებულმა ბრალი აღიარა.

„მან ორივე მკვლელობა აღიარა და თქვა, რომ ჯერ ავტოფარეხში გოგონა მოკლა, შემდეგ კი - მისი დედა“ - განაცხადა წყარომ მედიასთან საუბარში.

მკვლელობის მოტივის დასადგენად გამოძიება გრძელდება.

სამართალდამცავებმა რუსულ საინფორმაციო სააგენტო TASS-ს განუცხადეს, რომ ორმაგი მკვლელობის მოტივი შესაძლოა საყოფაცხოვრებო ნიადაგზე მომხდარი კონფლიქტი ყოფილიყო.

მოსკოვში სავარაუდოდ, პარტნიორისა და მისი ქალიშვილის მკვლელობის მსურველ მამაკაცს ბრალი წაუყენეს რუსეთის სისხლის სამართლის კოდექსის 105-ე მუხლის მე-2 ნაწილის „ა“ და „ზ“ პუნქტებით (ორი პირის მკვლელობა, ჩადენილი დაქირავებული ვაჭრობით) და რუსეთის სისხლის სამართლის კოდექსის 222-ე მუხლის პირველი ნაწილის ორი ბრალდებით (იარაღისა და საბრძოლო მასალის უკანონო ვაჭრობა), იტყობინება რუსეთის საგამოძიებო კომიტეტის პრესსამსახური.

ცნობისთვის, 3 ოქტომბერს ელენა წერეთლის ცხედარი მოსკოვში, ჟულებინის ბულვარზე მდებარე საცხოვრებელ ბინაში დანაწევრებული იპოვეს. მედიის ცნობით, ქალი რამდენიმე დღის განმავლობაში დაკარგულად ითვლებოდა, რის შემდეგაც მისმა დამ სამართალდამცველებს მიმართა. გამოძიების ფარგლებში სამართალდამცველები თეიმურაზ გოგიაშვილის კვალზე გავიდნენ. მოგვიანებით, ახალ მოსკოვში მდებარე ავტოფარეხში, რომელიც გამოძიების ინფორმაციით გოგიაშვილს ეკუთვნოდა, ელენა წერეთლის 19 წლის შვილის, დარიას ცხედარიც იპოვეს.