მდინარაძე ვირთხაა - ელდარ კურტანიძე ამბობს, რომ ღარიბაშვილს საქმე სუს-ის ექს შეფმა "შეუთითხნა"

"ქართული ოცნების" ყოფილმა ლიდერმა, ლუკა კურტანიძემ მამუკა მდინარაძეს "ვირთხა" უწოდა და თქვა, რომ საქმე ირაკლი ღარიბაშვილის წინააღმდეგ სწორედ სუს-ის ყოფილი ხელმაძრვანელის მიერ არის "შეთითხნილი.

მე ბედნიერი ვარ, რომ ერისკაცი, ირაკლი ღარიბაშვილი ვნახე, ჯანმრთელია და ძლიერია. [იმას, რომ ღარიბაშვილმა ჯარი გაძარცვა], მხოლოდ სულელები და ისეთი ვირთხები დაიჯერებენ, როგორიც მდინარაძე იყო. ხომ იცით არის ერთი ასეთი ნათქვამი, მკვდარზე ან კარგს ლაპარაკობენ ან არაფერს. მდინარაძე მკვდარზე უარესია, ვირთხაა, რომელმაც თავის გუნდის წვერებს ესეთი რამები შეუთხზა. მე ძალიან დიდი ეჭვი მაქვს, რომ ერისკაცი [გულისხმობს ბიძინა ივანიშვილს] შეცდომაშია შეყვანილი. მე არ მაქვს უფლება, რომ ერისკაცს რჩევა მივცე, თვითონ გაირკვევა, როცა სიმართლეს გაიგებს. ირაკლი ღარიბაშვილის ერისკაცობა, რომ დამტკიცდება ყველაფერს გაიგებს"- თქვა კურტანიძემ.

მისი თქმით, ირაკლი ღარიბაშვილს ძალიან ბევრი მხარდამჭერი ჰყავს, ხოლო სისტემა როცა გასუფთავდება ღარიბაშვილის კადრებით, "ყველაფერი დალაგდება":

ყველა უჭერს მხარს და ძალიან ბევრი არის. გაურკვევლობა არის და ეს გაურკვევლობა როცა გაირკვევა ყველა იდგება იქ სადაც საჭიროა. ჩვენ ყველაზე მთავარი რაც არის მდინარაძის დატოვებული პავლიკა მოროზოვები არიანსხვადასხვა სფეროში. გასუფთავდება ყველა, ერისკაციც, ბიძინა ივანიშვილიც გაერკვევა იმაში, რა არის სიმართლე დ ა ყველაფერი დადგება თავის რიგში"- დასძინა მან.