2020 წლიდან აზერბაიჯანთან გამშვები პუნქტების გამტარუნარიანობა 5-ჯერ გაიზარდა, საქართველოსთან 2-ჯერ - ანდრეი ნიკიტინი

რუსეთის ტრანსპორტის მინისტრი და ვიცე-პრემიერის თანამდებობაზე წარდგენილი კანდიდატი, ანდრეი ნიკიტინი ამბობს, რომ ბოლო ექვსი წლის განმავლობაში რუსეთ-აზერბაიჯანის საზღვარზე გამშვები პუნქტების გამტარუნარიანობა ხუთჯერ გაიზარდა, საქართველოსთან კი 2-ჯერ.

„თუ ვისაუბრებთ 2020 წლიდან დღემდე გაწეულ სამუშაოზე, ჩვენი სასაზღვრო გამშვები პუნქტების სტანდარტებთან შესაბამისობის მაჩვენებელი 30%-დან 75%-მდე გაიზარდა, ხოლო ძირითადი მიმართულებებით გამტარუნარიანობა რამდენჯერმე გაიზარდა: ჩინეთთან — 4,7-ჯერ, მონღოლეთთან — 2,4-ჯერ, ყაზახეთთან — 1,1-ჯერ, აზერბაიჯანთან — ხუთჯერ (ეს ჩვენი ჩრდილოეთ-სამხრეთის დერეფანია), ხოლო საქართველოსთან — ორჯერ“, - განაცხადა მან და დასძინა, რომ სულ 313 სასაზღვრო გამშვები პუნქტია, რომელთა მოდერნიზაცია და გამტარუნარიანობის გაზრდა მიმდინარეობს. ამასთან, მიიღება ზომები ტვირთის შემოწმების დროის 10 წუთამდე შესამცირებლად.

როგორც მედია წერს, 22 ოქტომბრის მდგომარეობით, რუსეთსა და საქართველოს შორის, ზემო ლარსის სასაზღვრო-გამშვებ პუნქტზე, გადასვლას 170-ზე მეტი სატვირთო ავტომობილი ელოდება.

რა მნიშვნელობისაა რუსეთისთვის ზემო ლარსის გამშვები პუნქტი?|TCRC-ის ანალიზი