2025 წელს უწყებებს უფასოდ ₾5.5 მილიონის მოძრავი სახელმწიფო ქონება გადაეცათ - რამდენი გაიყიდა აუქციონებზე?

2025 წელს სხვადასხვა უწყებას და ორგანიზაციას სამსახურებრივი საჭიროებიდან გამომდინარე უსასყიდლოდ 5.5 მილიონი ლარის ღირებულების მოძრავი სახელმწიფო ქონება გადაეცათ. ამის შესახებ სახელმწიფო ქონების ეროვნული სააგენტოს წლიურ ანგარიშშია აღნიშნული.

ანგარიშის თანახმად, 5 487 616 ლარის მოძრავი ქონების უფასოდ გადაცემა საბიუჯეტო სახსრების დაზოგვის მიზნით მოხდა.

ამასთან, 2025 წლის განმავლობაში ინტერნეტ აუქციონის საშუალებით გაიყიდა 11 893 356 ლარის ღირებულების მოძრავი ქონება. აქედან დიდი ნაწილი, 7.1 მლნ ლარი სატრანსპორტო საშუალებებზე მოდიოდა. მეორე მსხვილი კატეგორია, 1.3 მლნ ლარით, საიუველირო ნაკეთობებია, მესამე - ჯართი.