26 მაისის ღონისძიებების გამო თბილისის ცენტრში საგზაო მოძრაობა ხვალიდან იზღუდება - დეტალური მარშრუტები

საქართველოს დამოუკიდებლობის დღისადმი მიძღვნილი საზეიმო ღონისძიებების გამო, დედაქალაქის ცენტრალურ უბნებში სატრანსპორტო მოძრაობა ეტაპობრივად შეიზღუდება.

შეზღუდვები შეეხება როგორც პრეზიდენტის სასახლისა და მშრალი ხიდის მიმდებარე ტერიტორიას, ისე თავისუფლების მოედანსა და რუსთაველის გამზირს.

გთავაზობთ დეტალურ ინფორმაციას იმის შესახებ, თუ რომელ ქუჩებზე იკეტება მოძრაობა და რა ალტერნატიული მარშრუტებით უნდა ისარგებლონ მძღოლებმა:

შეზღუდვები პრეზიდენტის სასახლესა და მშრალ ხიდთან

• ათონელის ქუჩა: მოძრაობა უკვე შეზღუდულია 20 მაისის 08:00 საათიდან და შეზღუდვა 28 მაისის დღის ბოლომდე გასტანს.

• როგორ ვიმოძრაოთ: სოლიკო ვირსალაძისა და გიორგი ჭანტურიას ქუჩებიდან ათონელისკენ მიმავალი ტრანსპორტი იტალიის ქუჩის გავლით მშრალი ხიდისკენ გადამისამართდება. მშრალი ხიდიდან ათონელის ქუჩისკენ კი მოძრაობა ვირსალაძისა და ჭანტურიას ქუჩებით იქნება შესაძლებელი. • მტკვრის მარჯვენა სანაპიროდან (რენა აბჟანდაძის ქუჩიდან) ამომსვლელი მანქანები ვახტანგ ორბელიანის ქუჩამდე, შემდეგ კი მტკვრის ქუჩის მიმართულებით იმოძრავებენ.

იტალიისა და ათონელის ქუჩები (მშრალი ხიდის მიმდებარედ): მოძრაობა დამატებით შეიზღუდება 24 მაისის 08:00 საათიდან 28 მაისის ჩათვლით.

• როგორ ვიმოძრაოთ: ზაარბრიუკენის მოედნიდან მშრალი ხიდისკენ მომავალი ნაკადი ჯოვანი სკუდიერის ქუჩით მტკვრის მარჯვენა სანაპიროზე გადავა. ვირსალაძის ქუჩიდან მშრალი ხიდისკენ მიმავალი ავტომობილები კი ათონელის ქუჩამდე მივლენ და მარჯვნივ მოხვევით ჭანტურიას ქუჩაზე გადაინაცვლებენ. • როგორ ვიმოძრაოთ: ზაარბრიუკენის მოედნიდან მშრალი ხიდისკენ მომავალი ნაკადი ჯოვანი სკუდიერის ქუჩით მტკვრის მარჯვენა სანაპიროზე გადავა. ვირსალაძის ქუჩიდან მშრალი ხიდისკენ მიმავალი ავტომობილები კი ათონელის ქუჩამდე მივლენ და მარჯვნივ მოხვევით ჭანტურიას ქუჩაზე გადაინაცვლებენ.

შეზღუდვები თავისუფლების მოედანსა და რუსთაველის გამზირზე

დამოუკიდებლობის დღის ღონისძიებების გამო, მოძრაობა იკეტება ქალაქის მთავარ მოედანსა და მიმდებარე ქუჩებზეც:

კოტე აფხაზისა და შალვა დადიანის ქუჩები: ამ ქუჩებიდან თავისუფლების მოედნის მიმართულებით მოძრაობა სრულად აიკრძალება შემდეგ საათებში:

• 20 მაისის 20:00-დან 21 მაისის 01:00 საათამდე; 21-22 მაისს, 10:00-დან 14:00 საათამდე. • 20 მაისის 20:00-დან 21 მაისის 01:00 საათამდე; • 21-22 მაისს, 10:00-დან 14:00 საათამდე.

რუსთაველის გამზირი (თავისუფლების მოედნიდან ზურაბ ჭიჭინაძის ქუჩის კვეთამდე): საგზაო მოძრაობა სრულად შეიზღუდება 24 მაისის 00:00 საათიდან 27 მაისის 08:00 საათამდე.

• როგორ ვიმოძრაოთ: რუსთაველის გამზირიდან მომავალი ავტომობილები მხოლოდ გია ჭანტურიას ქუჩამდე მივლენ, საიდანაც მარცხნივ მოხვევით, ჭანტურიასა და ვირსალაძის ქუჩების გავლით, სანაპიროზე ჩავლენ და ბარათაშვილის ქუჩას დაუკავშირდებიან. • როგორ ვიმოძრაოთ: რუსთაველის გამზირიდან მომავალი ავტომობილები მხოლოდ გია ჭანტურიას ქუჩამდე მივლენ, საიდანაც მარცხნივ მოხვევით, ჭანტურიასა და ვირსალაძის ქუჩების გავლით, სანაპიროზე ჩავლენ და ბარათაშვილის ქუჩას დაუკავშირდებიან.

შოთა რუსთაველის გამზირიდან თავისუფლების მოედნისკენ მოძრაობა შესაძლებელი იქნება მხოლოდ სავაჭრო ცენტრ „გალერეამდე“ და შემდეგ უკუმიმართულებით.

მტკვრის ორივე სანაპიროდან მომავალი ტრანსპორტი იმოძრავებს მხოლოდ ბარათაშვილის ხიდის პანდუსამდე (ბარათაშვილისა და პუშკინის ქუჩების კვეთა).

რომელია ალტერნატიული მარშრუტები?

შეზღუდვების პერიოდში კერძო ავტომობილებისთვის გადაადგილება დასაშვები იქნება შემდეგ ქუჩებზე:

• გიორგი ლეონიძის, პავლე ინგოროყვას, ალექსანდრე ჭავჭავაძის, ალექსანდრე გრიბოედოვის, ნიკოლოზ ბარათაშვილისა და რევაზ თაბუკაშვილის ქუჩებზე, ასევე მათ მიმდებარე საგზაო ქსელში.

მნიშვნელოვანი ცვლილება: მოძრაობის მიმართულება დროებით იცვლება ივანე მაჩაბლის ქუჩაზე. ლადო ასათიანის ქუჩიდან გიორგი ლეონიძის ქუჩაზე მოხვედრა მძღოლებს სწორედ მაჩაბლის ქუჩის გამოყენებით შეეძლებათ.