$4.3 მლნ-ის კრიპტო, ორი Ferrari და $439,000-ის საათები - გიორგი ბარვენაშვილის დეკლარაცია

„ქართული ოცნების“ დეპუტატმა გიორგი ბარვენაშვილმა 2026 წლის 30 აპრილს წარადგინა ქონებრივი მდგომარეობის დეკლარაცია, რომელშიც ასახულია მისი და ოჯახის წევრების უძრავი და მოძრავი ქონება, საბანკო დანაზოგები, კრიპტოვალუტა, კომპანიებში წილები, შემოსავლები და გასავლები.

დეპუტატი კვლავ ფლობს კრიპტოვალუტას. დეკლარაციის თანახმად, მის საკუთრებაშია 46 ბიტკოინი, რომლებიც 2020 წელს შეიძინა, ამჟამად კი მისი ფასი 2.7 მილიონ დოლარს შეადგენს. ასევე ფლობს 100 ეთერიუმს, რომლებიც 2020 წელს შეიძინა, ამჟამად კი მისი ფასი 1.6 მილიონ დოლარს შეადგენს.

ქონებრივ დეკლარაციაში დეპუტატი 16 სხვადასხვა უძრავ ქონებას უთითებს, ესენია:

• თბილისში, შალვა ღამბაშიძის ქუჩაზე მდებარე 171.6 კვ.მ ბინის 38.6%-იანი წილი, რომელიც 2015 წელს 27,000 აშშ დოლარად შეიძინა; • თბილისში, ა. თბილელის (ყოფილი კაშენის) ქუჩაზე მდებარე 50 კვ.მ საცხოვრებელი სახლის 50%-იანი წილი, რომელიც 2023 წელს 11,750 აშშ დოლარად შეიძინა; • იმავე მისამართზე მდებარე 51.9 კვ.მ საცხოვრებელი სახლი, რომელიც 2005 წელს 12,200 აშშ დოლარად შეიძინა; • იმავე ქუჩაზე მდებარე კიდევ ერთი 26 კვ.მ საცხოვრებელი სახლი, რომელიც 2005 წელს 611 აშშ დოლარად შეიძინა; • 2024 წელს მემკვიდრეობით მიღებული 30 კვ.მ და 80 კვ.მ საცხოვრებელი სახლები იმავე მისამართზე; • თბილისში, ირაკლი უჩანეიშვილის ქუჩაზე მდებარე 853 კვ.მ საცხოვრებელი სახლი, რომელიც 2021 წელს 929,610 ლარად შეიძინა; • თბილისში, ერეკლე II ქუჩაზე მდებარე 86 კვ.მ საცხოვრებელი სახლის 50%-იანი წილი, რომელიც 2019 წელს 36,000 აშშ დოლარად შეიძინა; • თბილისში, მარაბდის ქუჩაზე მდებარე 230.5 კვ.მ საცხოვრებელი სახლი, რომელიც 2013 წელს 55,000 აშშ დოლარად შეიძინა; • მცხეთის მუნიციპალიტეტის ზაჰესში მდებარე 1,000 კვ.მ მიწის ნაკვეთი, რომელიც 2018 წელს 22,000 აშშ დოლარად შეიძინა; • მცხეთაში, აღმაშენებლის ქუჩაზე მდებარე 700 კვ.მ საცხოვრებელი სახლი, რომელიც 2018 წელს 46,000 აშშ დოლარად შეიძინა; • მცხეთის ზაჰესის დასახლებაში მდებარე 785 კვ.მ მიწის ნაკვეთი, რომელიც 2017 წელს 19,500 აშშ დოლარად შეიძინა; • 2024 წელს მემკვიდრეობით მიღებული მცხეთაში მდებარე 800 კვ.მ არასაცხოვრებელი ფართი, რომელზეც განთავსებულია 616.1 კვ.მ, 57 კვ.მ და 82 კვ.მ შენობა-ნაგებობები და აუზი; • მცხეთაში მდებარე 140 კვ.მ მიწის ნაკვეთი, რომელიც ასევე მემკვიდრეობით მიიღო; • თბილისში, ანტონ კათალიკოსის ქუჩაზე მდებარე 95.28 კვ.მ საცხოვრებელი სახლი, მიღებული მემკვიდრეობით; • თბილისში, მირიან მეფის ქუჩაზე მდებარე 45.5 კვ.მ საცხოვრებელი სახლი, რომელიც ასევე მემკვიდრეობით მიიღო; • თბილისში, მინდელის ქუჩის მიმდებარედ არსებული 211 კვ.მ ავტოფარეხის 11%-იანი წილი, რომელიც 2024 წელს მემკვიდრეობით მიიღო; • თერჯოლის მუნიციპალიტეტის სოფელ ჭოგნარში მდებარე 622 კვ.მ მიწის ნაკვეთის 33%-იანი წილი; • ამავე სოფელში მდებარე 4,579 კვ.მ საცხოვრებელი სახლისა და მიწის ნაკვეთის 33%-იანი წილი, რომელიც ასევე მემკვიდრეობით მიიღო.