7 თვეში საქართველოდან $18.6 მილიონის წვენები გაიყიდა

2026 წლის იანვარ-ივლისის პერიოდში საქართველოდან 18.6 მილიონი აშშ დოლარის ღირებულების 11.9 ათასი ტონა ხილისა და ბოსტნეულის წვენები გავიდა ექსპორტზე. წინა წლის ანალოგიურ პერიოდთან შედარებით, ექსპორტირებული წვენების რაოდენობა 37%-ით (3.2 ათასი ტონით), ხოლო ღირებულება 31%-ით (4.3 მილიონი აშშ დოლარით) გაიზარდა - ინფორმაციას სოფლის მეურნეობს სამინისტრო ავრცელებს.

ზუსტ და დეტალურ მონაცემებს კი სტატისტიკის დეპარტამენტი 19 აგვისტოს გამოაქვეყნებს.

უწყების ცნობით, მხოლოდ 2026 წლის ივლისის მონაცემებით, ექსპორტირებულია 2 მილიონი აშშ დოლარის ღირებულების 1.3 ათასი ტონა ხილისა და ბოსტნეულის წვენი, რაც წინა წლის ანალოგიური პერიოდის მაჩვენებელს 47%-ით აღემატება.

2026 წლის 7 თვეში ექსპორტი სულ 47 ქვეყანაში განხორციელდა. ძირითადი საექსპორტო ბაზრები ასე გადანაწილდა:

• აშშ - 24% • ავსტრალია - 21% • რუსეთი - 12% • გერმანია - 11% • ისრაელი - 7%