8 თვეში "შუა დერეფანში" ტვირთბრუნვა 22%-ით გაიზარდა - ჟანიბეკ ტაიჟანოვი

“შუა დერეფანში” საკონტეინერო ტვირთბრუნვა მზარდია.

ყაზახეთის რკინიგზის მონაცემებით 2026 წლის 7 თვეში ტრანსკასპიური საერთაშორისო სატრანსპორტო მარშრუტით (TMTM) კონტეინერებით ტრანზიტული გადაზიდვები მოცულობამ 36 000 TEU შეადგინა, რაც 2025 წლის მაჩვენებელზე 50%-ით მეტია.

მარშრუტზე ამ პერიოდში 350 საკონტეინერო მატარებელმა გაიარა. საკონტეინერო მატარებლების რაოდენობა 82%-ით არის გაზრდილი. 2025 წლის 7 თვეში გადაზიდული იყო 24 ათასი TEU კონტეინერი და გატარებული იყო 192 საკონტეინერო მატარებელი.

ცნობილია, რომ "შუა დერეფანში" ტვირთბრუნვის ზრდა შენარჩუნდა 8 თვეშიც. საქართველოს საერთაშორისო საზღვაო ფორუმზე ყაზახეთის ტრანსპორტის ვიცე-მინისტრმა, ჟანიბეკ ტაიჟანოვმა თქვა, რომ ტრანსკასპიურ საერთაშორისო სატრანსპორტო მარშრუტზე (TMTM) ტვირთბრუნვის მოცულობა მიმდინარე წლის 8 თვეში 22%-ით გაიზარდა, ხოლო აღმოსავლეთ-დასავლეთის მიმართულებით ტრანზიტმა 55%-იან ზრდას მიაღწია. კონკრეტული რიცხვები ტაიჟანოვს არ დაუსახელებია.