ადგილობრივი არასამთავრობო ობლიგაციების ბაზარი ₾6.4 მილიარდამდე გაიზარდა - სებ

საქართველოს ეროვნული ბანკის კაპიტალის ბაზრის მიმოხილვის თანახმად, ადგილობრივი არასამთავრობო ობლიგაციების ბაზარი, 2014-2025 წლებში მნიშვნელოვნად, 106 მილიონი ლარიდან, 6.4 მილიარდ ლარამდე, გაიზარდა.

2026 წლის მეორე კვარტალის მდგომარეობით, საჯარო კორპორაციული და IFI ობლიგაციები ჯამურად მთლიანი არასამთავრობო ობლიგაციების 97%-ს შეადგენს (43% და 54%, შესაბამისად).

მიმოხილვაში აღნიშნულია, რომ დალისტული კორპორაციული ობლიგაციების უპირატესობები (საგადასახადო შეღავათები, გამჭვირვალობა, ლიკვიდურობა და სხვა) კერძო ემისიებს ნაკლებად მიმზიდველს ხდის და მათი წილი მხოლოდ 3%-ია.

ისტორიულად, მხოლოდ სამი ემისია (რომელიც თავდაპირველად უცხოურ ბაზრებზე იყო გამოშვებული) იყო ორმაგად დალისტული საქართველოს ბაზარზე. აღნიშნული ემისიები განხორციელდა 2019 წელს, ჯამური ღირებულებით დაახლოებით 1.8 მილიარდი ლარი.

არასამთავრობო ობლიგაციები, ნაშთი