ადგილობრივი ტურისტების დანახარჯებმა თვეში საშუალოდ ₾273 მლნ შეადგინა - საქსტატი

საქსტატის ინფორმაციით, 2026 წლის I კვარტალში ადგილობრივი ვიზიტორების თვიურმა ხარჯებმა საშუალოდ 273.6 მლნ ლარი შეადგინა. ეს მაჩვენებელი წლიურ ჭრილში 13%-ით არის გაზრდილი. ერთ ვიზიტზე გაწეული საშუალო ხარჯი 7.4%-ით 172.7 ლარამდე გაიზარდა.

რაც შეეხება სხვა მაჩვენებლებს, მიმდინარე წლის პირველ კვარტალში ადგილობრივი ვიზიტორების საშუალო თვიური რაოდენობა თითქმის 1.3 მლნ იყო, რომელთაც ქვეყნის ტერიტორიაზე 1.6 მლნ-მდე ვიზიტი განახორციელეს.

ვიზიტორების საშუალო თვიური რაოდენობა 2%-ით გაიზარდა, ხოლო მათ მიერ განხორციელებული ვიზიტების რაოდენობა 5%-ით მეტია წინა წლის ანალოგიური პერიოდზე.

ასევე 6.6%-ით 665 ათასამდე გაზრდილია ტურისტული ტიპის ვიზიტების საშუალო თვიური რაოდენობა.

მიმდინარე წლის პირველ კვარტალში ყველაზე მეტი ვიზიტი განხორციელდა თბილისში (საშუალოდ 415 ათასი) და იმერეთის რეგიონში (საშუალოდ 322.4 ათასი).