აგროპროგრამების დაწყებიდან სოფლის მეურნეობაში ინვესტიციებმა ₾10 მილიარდს გადააჭარბა - მთავრობის ანგარიში
BM.GE|bm.ge
ერთიანი აგროპროექტის პროგრამების დაწყებიდან, ანუ 2013 წლიდან, გარემოს დაცვისა და სოფლის მეურნეობის სამინისტროს მიერ განხორციელებული პროექტების ფარგლებში ქვეყანაში სოფლის მეურნეობის დარგში ინვესტიციის ჯამურმა მოცულობამ 10 მილიარდ ლარს გადააჭარბა. ამის შესახებ სამთავრობო პროგრამის შესრულების ანგარიშშია აღნიშნული.
დოკუმენტის თანახმად, აქედან სახელმწიფო თანადაფინანსება 2.8 მილიარდ ლარზე მეტია.
2025 წლის ივნისიდან 2026 წლის მაისამდე პერიოდში კი ინვესტიციის ჯამურმა მოცულობამ 1.06 მილიარდი ლარი შეადგინა, საიდანაც სახელმწიფო თანადაფინანსება 355 მილიონი ლარია.
შეღავათიანი აგროკრედიტის პროექტის ფარგლებში, 4,792 უნიკალურ ბენეფიციარზე გაიცა 945,029, 337 ლარის ღირებულების 5,581 სესხი, საქართველოს გარემოს დაცვისა და სოფლის მეურნეობის სამინისტროს მიერ გაცემულმა თანადაფინანსებამ შეადგინა 215,900,838 ლარი.
აგროდაზღვევის პროგრამის ფარგლებში, 4,832 უნიკალურ დამზღვევზე/ბენეფიციარზე გაცემულია 8,875 პოლისი. დაზღვეულ იქნა 94,106,550 ლარის ღირებულების სხვადასხვა კულტურა. დაზღვეულია 8,808 ჰა მიწის ფართობი. ხელშეკრულებით/პოლისით განსაზღვრულმა სახელმწიფო თანადაფინანსებამ 7,257,788 ლარი შეადგინა.
სახელმწიფო პროგრამის – „დანერგე მომავალი“ – ფარგლებში, 416 უნიკალურ ბენეფიციარს გაუფორმდა ხელშეკრულება. დაკონტრაქტებულმა ფართობმა შეადგინა 2,560 ჰექტარი. ინვესტიციის ოდენობაა 92 211 651 ლარი, საიდანაც ხელშეკრულებით განსაზღვრული სახელმწიფო თანადაფინანსების ოდენობამ შეადგინა 27 072 044 ლარი.
გადამმუშავებელი და შემნახველი საწარმოების თანადაფინანსების პროექტის ფარგლებში, 13 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 14 408 045 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 4 337 400 ლარი.
მერძევეობის დარგის მოდერნიზაციისა და ბაზარზე წვდომის სახელმწიფო პროგრამის (DIMMA) ფარგლებში, 109 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 3,373,812 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 2,312,555 ლარი.
სასოფლო-სამეურნეო კოოპერატივების სასოფლო-სამეურნეო ტექნიკის თანადაფინანსების მიმართულებით, 58 კოოპერატივთან გაფორმდა ხელშეკრულება. ინვესტიციის ოდენობამ შეადგინა 5,850,723 ლარი, ხოლო ხელშეკრულებით განსაზღვრულმა სახელმწიფო თანადაფინანსებამ – 2,869,443 ლარი.
ბიო წარმოების ხელშეწყობის პროგრამის ფარგლებში, 2 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 42,180 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 29,526 ლარი.
„თხილის წარმოების ხელშეწყობის 2024-2025 წლეზის პროგრამის“ ფარგლებში, საანგარიშო პერიოდში (01/06/2025 31/08/2025), ქულა დაერიცხა 32,949 უნიკალურ ბენეფიციარს (მოსარგებლე ბენეფიციარების რაოდენობაა 74,422) და ფართობმა შეადგინა 22,586.03 ჰა. დარიცხული ქულების ოდენობაა 11,293,017 ლარი. 2024-2025 წლების პროგრამის ფარგლებში, ქულა დაერიცხა 60,715 უნიკალურ ბენეფიციარს (მოსარგებლე ბენეფიციარების რაოდენობაა 105,458) და ფართობმა შეადგინა 41,980.92 ჰა. დარიცხული ქულების ოდენობაა 20,990,460 ლარი.
პროექტების ტექნიკური მხარდაჭერის პროგრამის ფარგლებში, 26 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 344 851 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 162 288 ლარი. სასოფლო-სამეურნეო ტექნიკის თანადაფინანსების სახელმწიფო პროგრამის ფარგლებში, 198 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 41,952,874 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 11,462,282 ლარი.
ენერგოეფექტური ღუმელების თანადაფინანსების პროგრამის ფარგლებში, 6,801 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 3,933,989 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 1,940,269 ლარი.
მაღალმთიან დასახლებებში სამეწარმეო საქმიანობის ხელშეწყობის სახელმწიფო პროგრამის ფარგლებში, 37 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 6,278,518 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 3,238,510 ლარი.
სახელმწიფო პროგრამის – „ქართული ბოსტნეული სათბურებიდან“ ფარგლებში, 184 უნიკალურ ბენეფიციარს გაუფორმდა ხელშეკრულება 242,287 კვ/მ სასათბურე მეურნეობის მოწყობაზე. ინვესტიციის ოდენობამ შეადგინა 18,117,700 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 9,014,829 ლარი.
მეფუტკრეობის მხარდაჭერის პროგრამის ფარგლებში, 91 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 560,860 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 275,160 ლარი.
ირიგაციით უზრუნველყოფილ მიწის ნაკვეთებზე სოფლის მეურნეობის პროდუქციის წარმოების ხელშეწყობის პროგრამის ფარგლებში, 361 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 2,853,257 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 1,279,286 ლარი.
გურიისა და იმერეთის რეგიონებში დიდთოვლობის შედეგად დაზარალებული მეურნეობების დახმარების პროგრამის ფარგლებში, საანგარიშო პერიოდში, 39 უნიკალურ ბენეფიციარს გაუფორმდა ხელშეკრულება. ინვესტიციის ოდენობამ შეადგინა 1,089,504 ლარი, საიდანაც ხელშეკრულებით განსაზღვრული სახელმწიფო თანადაფინანსებაა 1,079,325 ლარი.
არასტანდარტული ვაშლის მოსავლის რეალიზაციის ხელშეწყობის 2025 წლის პროგრამის ფარგლებში, შესყიდული არასტანდარტული ვაშლის რაოდენობამ 40,107 ტონა შეადგინა, ხოლო სუბსიდიის თანხამ – 4 მილიონ ლარზე მეტი.
