Amazon-მა ხელოვნური ინტელექტის ახალი ჩიპები წარადგინა
Amazon-ის მოწყობილობებისა და სერვისების დეპარტამენტის დირექტორმა, პანოს პანაიმ დღეს კომპანიის ახალი ტექნოლოგიური სტრატეგია გაასაჯაროვა. არსებული ინფორმაციით, ტექნოლოგიური გიგანტი ჭკვიანი მოწყობილობებისა და მობილური გაჯეტებისთვის საკუთარი წარმოების მიკროჩიპების გამოყენებას გეგმავს.
როგორც ირკვევა, ჯეფ ბეზოსის კომპანიამ შექმნა ახალი თაობის AZ3 და AZ3 Pro მიკროჩიპები, რომლებიც მონაცემებს უშუალოდ მოწყობილობაზე ამუშავებს. პანოს პანაის განცხადებით, უსაფრთხო გარემოს შესაქმნელად აუცილებელია აპარატურული უზრუნველყოფის სრული ციკლის კონტროლი, რა მხრივაც ეს სვლა სწორი მიმართულებით გადადგმულ ნაბიჯად შეიძლება ჩაითვალოს.
პანაიმ განმარტა, რომ ამ ეტაპზე კომპანია კვლავ განაგრძელებს Qualcomm-თან თანამშრომლობას და მათი ჩიპების გამოყენებას, თუმცა გარკვეულ ეტაპზე საკუთარ წარმოებას გააფართოებს და სრულ ტექნოლოგიურ დამოუკიდებლობას მიაღწევს.
BM.GE
წყარო: bm.ge