აპრილში ეკონომიკა - 6.2%-ით, 4 თვეში 8.3%-ით გაიზარდა | საქსტატი

საქსტატის წინასწარი შეფასებით, 2026 წლის აპრილში წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 6.2% შეადგინა, ხოლო 2026 წლის პირველი ოთხი თვის საშუალო მაჩვენებელი 8.3%-ით განისაზღვრა.

საქსტატის თანახმად, აპრილში საქართველოს კერძო სექტორის, ანუ დღგ-ის გადამხდელი საწარმოების ბრუნვამ 15 მილიარდი ლარი შეადგინა, რაც წლიურად 10.3%-ით არის გაზრდილი. სექტორების მიხედვით, ყველაზე მეტად გაიზარდა დამმუშავებელი მრეწველობა, ხოლო კლება სამთო მოპოვების და მშენებლობის სექტორებში დაფიქსირდა.

"2026 წლის აპრილში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამმუშავებელი მრეწველობა, ინფორმაცია და კომუნიკაცია, ტრანსპორტი და დასაწყობება, ვაჭრობა და საფინანსო და სადაზღვევო საქმიანობები. კლების ტენდენცია დაფიქსირდა მშენებლობის და სამთო-მოპოვებითი მრეწველობის სექტორებში,"- ნათქვამია საქსტატის მიერ გამოქვეყნებულ ინფორმაციაში.