აპრილში ელექტროენერგიის იმპორტი მხოლოდ 64 მლნ კვტ.სთ იყო

2026 წლის აპრილში საქართველომ მხოლოდ 64 მლნ კვტ.სთ ელექტროენერგიის იმპორტი განახორციელა. ასეთი დაბალი მაჩვენებელი, სავარაუდოდ, უკავშირდება ოკუპირებულ აფხაზეთში რუსული ელექტროენერგიის იმპორტის შეწყვეტას.

როგორც მანამდე რუსულ სახელმწიფო მედიაში ვრცელდებოდა ინფორმაცია, აპრილიდან აფხაზეთის რეგიონი სრულად "ენგურჰესის" ელექტროენერგიის მოხმარებაზე გადავიდა.

„დღეს, 31 მარტს, 00:00 საათზე აფხაზეთი აჩერებს რუსეთის ფედერაციიდან ენერგიის მიღებას და სრულად ენგურჰესის გამომუშავებაზე გადადის. წყლის მოდინების და ჯვრის [ენგურის] წყალსაცავში დონის მატება აფხაზეთის საჭიროებებს სრულად ფარავს“, - ამის შესახებ რუსეთის სახელმწიფო სააგენტო TASS-ს „ჩერნომორენერგოს“ გენერალურმა დირექტორმა თემურ ჯინჯოლიამ განუცხადა.

აპრილის მონაცემები აჩვენებს, რომ ჯამში ელექტროენერგიის გამომუშავებამ 1.14 მლრდ კვტ.სთ შეადგინა, აქედან თბოსადგურების მიერ გამომუშავებული დენი 198 მლნ კვტ.სთ იყო, ხოლო ჰესების 928 მლნ კვტ.სთ. 14 მლნ კვტ.სთ გამოიმუშავა ორმა ქარის სადგურმა, ხოლო მზის სადგურების მიერ გამომუშავებული ელექტროენერგიის მოცულობა მხოლოდ 1.7 მლნ კვტ.სთ იყო.

ჯამში საქართველომ მიმდინარე წლის აპრილში 1.12 მლრდ კვტ.სთ ელექტროენერგია მოიხმარა