აპრილში თბილისში ბინის ქირა 5.2%-ით გაძვირდა - რომელ უბანში ღირს ყველაზე ძვირი?

2026 წლის აპრილში საშუალო ზომის ბინის (50-60 კვ.მ) ქირამ კვადრატულ მეტრზე 10.0 აშშ დოლარი შეადგინა.

"გალტ & თაგარტის" უძრავი ქონების ბაზრის ყოველთვიური მიმოხილვის მიხედვით, ეს მაჩვენებელი წინა თვესთან შედარებით 0.4%-ით არის გაზრდილი, ხოლო გასული წლის აპრილთან შედარებით ($9.5) ზრდა 5.2%-ს შეადგენს.

ქირის ფასები თბილისის უბნების მიხედვით:

კვლევის მიხედვით, 2026 წლის აპრილის მდგომარეობით, ყველაზე ძვირად ღირებული ქირა ტრადიციულად ცენტრალურ უბნებში ფიქსირდება, თუმცა განსხვავებული სურათია გარეუბნებშიც. საშუალო შეწონილი ქირა 1 კვ.მ-ზე თბილისის სხვადასხვა უბანში ასე გამოიყურება:

ვაკე – $14.2მთაწმინდა – $12.7საბურთალო – $11.3კრწანისი – $10.5ჩუღურეთი – $10.0დიდუბე – $9.9ისანი – $9.9ნაძალადევი – $9.6ვაშლიჯვარი – $8.9გლდანი – $8.6დიდი დიღომი – $8.6სამგორი – $8.2

მიმდინარე წლის აპრილში თბილისში უძრავი ქონების ქირის ამონაგები საშუალოდ 8.5%-ის ფარგლებში ფიქსირდება. აღნიშნული მაჩვენებელი კვლავ მნიშვნელოვნად აჭარბებს აშშ დოლარის დეპოზიტებზე არსებულ საპროცენტო განაკვეთს (რომელიც საშუალოდ 2.5%-ია), თუმცა ჩამორჩება ლარის დეპოზიტების საშუალო საპროცენტო განაკვეთს (9.8%).

საერთაშორისო ჭრილში, თბილისი უძრავი ქონების ქირის შემოსავლიანობით რეგიონში მე-3 ადგილზეა. ქალაქების მიხედვით ქირის წლიური ამონაგები ასე ნაწილდება:

1. ანკარა – 9.6%2. ასტანა – 8.8%3. თბილისი – 8.5%4. ტაშკენტი – 8.1%5. ერევანი – 6.9%6. ბაქო / კიშინიოვი – 5.3%7. რიგა – 4.3%8. ბუქარესტი / სოფია – 4.2%9. ვილნიუსი – 3.9%10. ტალინი – 3.6%