"არ იფიქროთ, რომ სამშენებლო სექტორზე შეტევა შემთხვევით ხდება" - კახა კალაძე
"[ხედავთ] რამდენი სამშენებლო კრანი დგას დედაქალაქში და მიმდინარეობს აღმშენებლობა… დღეს უკვე შეტევა მიდის მშენებლობაზე, რადგან ეკონომიკაში სამშენებლო სექტორს განსაკუთრებული წვლილი აქვს", - ამის შესახებ თბილისის მერმა კახა კალაძემ „რუსთავი 2“ - ის ეთერში გადაცემა „დებატებში“ განაცხადა.
მისი თქმით, მისივე განმარტებით, დედაქალაქის მთავრობა ბიზნესს თანაბრად უჭერს მხარს, პოლიტიკური განწყობების მიუხედავად.
"ბიზნეს სექტორს ქვეყნის ეკონომიკურ განვითარებაში, სამუშაო ადგილების შექმნაში დიდი როლი აქვს. არ იფიქროთ, რომ სამშენებლო სექტორზე შეტევა შემთხვევით ხდება; თუ 2017 წლამდე მთელი კამპანიები იყო - "გაჩერებული თბილისი და არაფერი არ კეთდება" - 2017 წლის შემდეგ, როდესაც ქვეყანა ეკონომიკურად წინ მიდის, ვითარდება… რა ვიცი რამდენი სამშენებლო კრანი დგას დედაქალაქში და მიმდინარეობს აღმშენებლობა, დღეს უკვე შეტევა მიდის მშენებლობაზე, იმიტომ რომ ქართულ ეკონომიკაში სამშენებლო სექტორს განსაკუთრებული წვლილი აქვს. შესაბამისად, ჩვენი მხრიდან მხოლოდ ხელშეწყობა და თანადგომა ექნებათ.
იქ, სადაც ურბანულად მიუღებელია განაშენიანება, არავის მივცემთ ამის შესაძლებლობას. ამ საკითხს პოლიტიკური ნიშნით არ ვარჩევთ ამ ქვეყანაში ბიზნესი არის აბსოლუტურად თავისუფალი. ამის მაგალითია პარტია „ლელოს“ ხელმძღვანელი, რომელსაც აქვს უდიდესი მშენებლობა ლისის ტბის მიმდებარე ტერიტორიაზე, მას ყველანაირი ხელშეწყობა აქვს“, - აღნიშნა კახა კალაძემ.
BM.GE
წყარო: bm.ge