არტე მორენო ლოს-ანჯელესის "ენჯელსის" "არსენალის" მფლობელ სტენ კრონკესთვის მიყიდვას გეგმავს

არტე მორენოს მიერ ლოს-ანჯელეს “ენჯელსის“ ფლობის 23-წლიანი და საკმაოდ საკამათო ეპოქა დასასრულს უახლოვდება. მორენო MLB-ის ფრენჩაიზის სტენ კრონკესთვის მიყიდვას გეგმავს. გარიგება კრონკეს სპორტული და გასართობი კომპანიის, Kroenke Sports & Entertainment-ის (KSE) მეშვეობით განხორციელდება. ტრანზაქციის დასრულება 2027 წლის პირველ კვარტალშია მოსალოდნელი, თუმცა გარიგება ჯერ კიდევ ექვემდებარება სტანდარტულ საბოლოო პირობებსა და Major League Baseball-ის ოფიციალურ დამტკიცებას.

გაყიდვის ზუსტი ფასი ჯერჯერობით უცნობია, თუმცა „სან-დიეგო პადრესის“ ბოლო პერიოდში $3.9 მილიარდად გაყიდვის გათვალისწინებით, მოსალოდნელია, რომ „ენჯელსი“ MLB-ის ისტორიაში რეკორდულ ფასად გაიყიდება.

Forbes-ის „ენჯელსის“ ბოლო შეფასებით, კლუბის ღირებულება დაახლოებით $2.8 მილიარდია.

კრონკემ, საკუთარი კომპანიის Kroenke Sports & Entertainment-ის მეშვეობით, სპორტული აქტივების საკმაოდ დიდი პორტფელი შექმნა. KSE-ს მფლობელობაშია NFL-ის „ლოს-ანჯელეს რამსი“, ასევე კომპანია ფლობს და განავითარა SoFi Stadium და მის გარშემო მდებარე 300-აკრიანი Hollywood Park-ის რაიონი ინგლვუდში.

კომპანიის პორტფელში ასევე შედის NBA-ის „დენვერ ნაგეთსი“, NHL-ის „კოლორადო ავალანჩი“, MLS-ის „კოლორადო რაპიდსი“ და ინგლისის პრემიერ ლიგის კლუბი „არსენალი“.