აშშ-ის მარეგულირებელმა Amazon-ის მიერ Globalstar-ის $11.5-მილიარდიანი შესყიდვა დაამტკიცა

აშშ-ის კომუნიკაციების ფედერალურმა კომისიამ სატელიტური ოპერატორის, Amazon Leo-ს მიერ ტელეკომუნიკაციების სფეროში მომუშავე Globalstar-ის შესყიდვის $11.5-მილიარდიანი გარიგება ოფიციალურად დაამტკიცა.

Amazon-ის შვილობილი კომპანია ამ ნაბიჯით SpaceX-ის Starlink-ის ქსელისთვის კონკურენციის გაწევას გეგმავს.

ეს $11.5-მილიარდიანი შენაძენი კომპანიის პორტფელს მობილური სატელიტური სიხშირეებითა და ათეულობით თანამგზავრით გააფართოებს, რაც მას სატელიტური კავშირის ბაზარზე შესვლისა და ფიქსირებული თუ მობილური სერვისების შეთავაზების შესაძლებლობას მისცემს.

ამას გარდა, Amazon-ი თავის სატელიტურ მიმართულებაში მომდევნო თვეების განმავლობაში $10 მილიარდზე მეტის ინვესტირებას გეგმავს, ხოლო კომერციული სერვისების გაშვება 2026 წლის ბოლომდე დაიწყება.

ცნობისთვის, 2025 წლის აპრილიდან დღემდე Amazon Leo-მ დედამიწის დაბალ ორბიტაზე 400-მდე თანამგზავრი უკვე გაუშვა. კომპანიის სტრატეგია მიზნად 2029 წლისთვის ორბიტაზე ათასობით სატელიტის განთავსებას ისახავს. შედარებისთვის, ილონ მასკის SpaceX-ის საკუთრებაში ამჟამად 11,000-ზე მეტი სატელიტია და ის ამ მაჩვენებლით უპირობო გლობალური ლიდერია.