აშშ-ის სახელმწიფო ვალმა რეკორდულ $40.5 ტრილიონს გადააჭარბა

აშშ-ის სახელმწიფო ვალი ისტორიულ მაქსიმუმამდე გაიზარდა და $40.52 ტრილიონს გაუტოლდა. შესაბამისი მონაცემები ქვეყნის ხაზინის დეპარტამენტმა გამოაქვეყნა.

აღსანიშნავია, რომ გასული წლის ოქტომბერში მაჩვენებელი $38 ტრილიონს აჭარბებდა, მიმდინარე წლის აგვისტოში კი $40-ტრილიონიან ნიშნულს გადასცდა. საყურადღებოა, რომ ათ წელზე ნაკლებ დროში ქვეყნის სუვერენული ვალი $20 ტრილიონით არის გაზრდილი.

პეტერსონის საერთაშორისო ეკონომიკის ინსტიტუტის შეფასებით, სახელმწიფო ხარჯებისა და საგადასახადო პოლიტიკის რეფორმირების გარეშე, აშშ-ის ვალი მომდევნო ექვს წელიწადში შესაძლოა $50 ტრილიონამდე გაიზარდოს.