აშშ-მ "ლუკოილის" უცხოური აქტივების გაყიდვის ვადა კვლავ გაახანგრძლივა

აშშ-ის სახაზინო დეპარტამენტმა სანქცირებულ რუსულ ენერგეტიკულ გიგანტ Lukoil-ს ტრანზაქციების განსახორციელებლად, ოპერაციების შესაწყვეტად და აქტივების გასასხვისებლად დამატებითი დრო კიდევ ერთხელ მისცა. საუბარია კომპანიის უცხოურ აქტივებზე.

OFAC-ის ინფორმაციით, აქტივების გასხვისების ბოლო ვადა 27 ივნისამდე გადაიწევს.

როგორც დეპარტამენტში აცხადებენ, თუკი განსაზღვრულ პერიოდამდე Lukoil-ის აქტივების გასხვისება ვერ მოესწრება, მაშინ რუსულ კომპანიას უცხოეთში დარჩენილი აქტივების ოპერირების შეწყვეტა მოუწევს.

ცნობისთვის, გასული წლის 22 ოქტომბერს ამერიკის შეერთებულმა შტატებმა რუსულ ნავთობკომპანია „ლუკოილს“ ფინანსური სანქციები დაუწესა. სანქციების გამოცხადების დროს, აშშ-ის ხაზინამ დოკუმენტს დაურთო სპეციალური დანართი, სადაც განისაზღვრა, რომ 2025 წლის 21 ნოემბრამდე შეზღუდვები არ გავრცელდებოდა რუსეთს გარეთ მდებარე „ლუკოილის“ ბენზინგასამართ სადგურებზე, თუმცა მოგვიანებით, OFAC-მა ეს ვადა რამდენჯერმე გაახანგრძლივა.