ბანკებმა 2025 წელს 2587 საეჭვო გარიგების შესახებ გააგზავნეს შეტყობინება - ზრდა 55%-ია

ფინანსური მონიტორინგის სამსახურმა 2025 წლის საქმიანობის ანგარიში გამოაქვეყნა, რომლის თანახმადაც გასულ წელს სამსახურში შესული განცხადებების რაოდენობა გაორმაგდა. კერძოდ, მან 4,130-ს მიაღწია, აქედან კი ყველაზე მეტი 2,587 განცხადება სამსახურში კომერციული ბანკებიდან შევიდა, რაც წლიურად 55%-ით მეტია.

ამასთან, მკვეთრად გაიზარდა განცხადებები ვირტუალური აქტივის მომსახურების პროვაიდერებისგან (კრიპტო პროვაიდერებისგან) და მთლიანმა რაოდენობამ 436-ს მიაღწია, რაც წლიურად 369%-ით არის გაზრდილი, ხოლო საგადახდო მომსახურების პროვაიდერების მიერ კი ფინანსური მონიტორინგის სამსახურში 104 განცხადება გაიგზავნა, რაც 93%-ით არის მომატებული. ასევე მკვეთრად გაიზარდა შეტყობინებების რაოდენობა სამორინეებიდან და აზარტული თამაშების კომპანიებიდან, მათ შორის ონლაინკაზინოებიდან.

2025 წლის სტატისტიკა:

ანგარიშვალდებული პირები საეჭვო ტრანზაქციის შეტყობინება ზრდა/კლება წინა წელთან კომერციული ბანკი 2587 55% მიკროსაფინანსო ორგანიზაცია 79 84% სადაზღვევო ორგანიზაცია 2 100% საბროკერო კომპანია 2 0% ფასიანი ქაღალდების რეგისტრატორი 0 -100% ვალუტის გადამცვლელი პუნქტი 4 100% საგადახდო მომსახურების პროვაიდერი 104 93% სესხის გამცემი სუბიექტი 1 0% მიკრობანკი 38 3700% ვირტუალური აქტივის მომსახურების პროვაიდერი (კრიპტო) 436 369% ლატარიის, აზარტული ან მომგებიანი თამაშობის ორგანიზატორი 19 90% სამორინე 8 წინა წელს 0 იყო საჯარო რეესტრის ეროვნული სააგენტო 850 386% შემოსავლების სამსახური 0 წინა წელს 0 იყო სულ 4130 101%