ბაქო-თბილისი-ჯეიჰანმა მაისში 2.2 მლნ ტონა ნავთობი გაატარა, ბაქო-სუფსა ისევ გაჩერებულია

BM.GE12 ივნისი, 2026, 18:06|bm.ge

ნავთობისა და გაზის კორპორაციის ინფორმაციით, მაისში ბაქო-თბილისი-ჯეიჰანის (BTC) მილსადენით 2.2 მლნ ტონა ნავთობი გადაზიდეს. ჯამში იანვარ-მაისში ნავთობსადენით 10.6 მლნ ტონა ნავთობი იქნა გადაზიდული.

BP-ის კვარტალური ანგარიში აჩვენებს, რომ 2026 წლის პირველ კვარტალში BTC-ის დატვირთვა შემცირდა. კერძოდ, პირველი კვარტალის განმავლობაში, დაახლოებით 49 მილიონი ბარელი (6 მლნ ტონა) ნედლი ნავთობი გადაიზიდა, რაც წლიურად 5 მლნ ბარელით შემცირებული მაჩვენებელია.

რაც შეხება ბაქო-სუფსას, სტატისტიკა აჩვენებს, რომ მილსადენი მაისშიც გაჩერებული იყო. თუმცა საქართველოს მთავრობა პირობას დებს, რომ აზერბაიჯანთან დადებული ხელშეკრულებით ბაქო-სუფსა წელს ამუშავდება.

1768 კმ სიგრძის ბაქო-თბილისი-ჯეიჰანმა 2006 წლის ივნისში ფუნქციონირების დაწყებიდან 2026 წლის პირველი კვარტალის ჩათვლით ჯამში 4.7 მილიარდი ბარელი ნედლი ნავთობი გაატარა (626 ტონაზე მეტი).

დღეის მდგომარეობით, BTC-ის აქციონერები არიან: Bp (30.10%), SOCAR (32.97%), MOL (8.90%), TPAO (6.53%), Eni (5.00%), TotalEnergies (5.00%), ITOCHU (3.40%), ONGCVidesh (3.10%), ExxonMobil (2.50%) and INPEX (2.50%).

გაზიარება: