ბელგრადში გამართულ ანტისამთავრობო აქციაზე 180 ათასზე მეტი ადამიანი შეიკრიბა

სერბეთის დედაქალაქ ბელგრადში გამართულ მასშტაბურ საპროტესტო აქციაზე 180 ათასზე მეტი ადამიანი შეიკრიბა. არსებული ინფორმაციით, სტუდენტების მიერ ორგანიზებული საპროტესტო მოძრაობა მიზნად ქვეყანაში ძირეული პოლიტიკური ცვლილებების განხორციელებას ისახავს.

ჟურნალისტებისა და დამოუკიდებელი ჯგუფების მონაცემებით, დემონსტრაციაზე მოქალაქეთა რეკორდული რაოდენობა დაფიქსირდა.

აღსანიშნი ფაქტია, რომ აქციის მონაწილეთა დაფიქსირებული მაჩვენებელი, 180,000 მხოლოდ 2000 წელს გამართულ მასშტაბურ შეკრებას ჩამორჩება. საყურადღებოა, რომ ქვეყნის ეროვნული პოლიციის უფროსმა დემონსტრანტთა რაოდენობად მხოლოდ 34,300 ადამიანით განსაზღვრა.

რაც შეეხება კონკრეტულ მიზეზს, როგორც ირკვევა, ეს პროტესტი გაგრძელებაა იმ მასშტაბური ტალღისა, რომელიც 2024 წელს რკინიგზის სადგურზე მომხდარ ტრაგიკულ შემთხვევას მოჰყვა. მაშინ ნოვი-სადში სადგურის სახურავის ჩამონგრევამ 16 ადამიანის სიცოცხლე იმსხვერპლა. ქვეყნის ოპოზიციურმა ძალებმა მომხდარ ტრაგედიაში მმართველ სისტემაში არსებული კორუფციული ჯგუფები დაადანაშაულეს. მათი შეფასებით, ტენდერით გამოყოფილი თანხა გაიფლანგა და სახურავი უხარისხოდ გაკეთდა.