BP-ის ყოფილი თავმჯდომარე კომპანიიდან გათავისუფლებას ასაჩივრებს
ნავთობის მწარმოებელი ბრიტანული გიგანტის, BP-ის დირექტორთა საბჭოს ყოფილი თავმჯდომარე ალბერტ მანიფოლდი აპროტესტებს კომპანიიდან გათავისუფლებას ყოველგვარი გაფრთხილებისა და განმარტების გარეშე და ხელმძღვანელობის გადაწყვეტილების სასამართლოში გასაჩივრებას გეგმავს.
მანიფოლდი, რომელიც აღნიშნულ პოზიციას რვა თვის განმავლობაში იკავებდა, BP-მ თანამდებობიდან სამშაბათს გადააყენა. როგორც ირკვევა, გადაწყვეტილების მიზეზად მართვის სტანდარტების, ზედამხედველობისა და ეთიკის ნორმების სერიოზული დარღვევა დასახელდა. კომპანიას ოფიციალურ განცხადებაში დამატებითი დეტალები არ დაუკონკრეტებია, რამაც ბრიტანულ ენერგეტიკულ გიგანტში მენეჯერული კრიზისი კიდევ უფრო გააღრმავა.
არსებული ინფორმაციით, ალბერტ მანიფოლდის წინააღმდეგ საჩივრები თანამშრომლების მიმართ აგრესიულ ქცევას, სენსიტიური ინფორმაციის არასწორ მართვასა და დირექტორთა საბჭოს გვერდის ავლით გადაწყვეტილებების მიღების მცდელობებს უკავშირდება.
ანონიმური წყაროების მიერ გავრცელებულ ამ ბრალდებებს ყოფილი თავმჯდომარე კატეგორიულად უარყოფს და მოვლენების საკუთარი ვერსიის სამართლებრივად დამტკიცებას აპირებს. საყურადღებოა, რომ BP-ის ოფიციალურმა წარმომადგენლებმა მედიასთან დამატებითი კომენტარის გაკეთებაზე უარი თქვეს.
BM.GE
წყარო: bm.ge