ბრიტანეთი უკრაინის მხარდასაჭერ €90-მილიარდიან პროგრამაში ჩაერთვება
გაერთიანებული სამეფოს პრემიერ-მინისტრის, კირ სტარმერის განცხადებით, დიდი ბრიტანეთი უკრაინის მხარდასაჭერ €90-მილიარდიანი მოცულობის ევროპულ სასესხო პროგრამაში მონაწილეობას განხილავს.
სტარმეტის თქმით, უკრაინის თავდაცვისუნარიანობის გაძლიერებასთან ერთად, პროგრამა ბრიტანულ კომპანიებს მომავალ კონტრაქტებზე წვდომის შესაძლებლობას მისცემს, რაც ბრიტანეთის ეკონომიკისთვის პოზიტიური ფაქტორი იქნება.
შეგახსენებთ, რომ ევროკავშირის ლიდერებმა მომდევნო ორი წლის განმავლობაში უკრაინისთვის 90 მილიარდი ევროს გამოყოფის გადაწყვეტილება გასულ თვეს, უნგრეთის ვეტოს გაუქმების შემდეგ მიიღეს. გამოყოფილი თანხის ორი მესამედი ქვეყნის თავდაცვის საჭიროებებს მოხმარდება, დანარჩენი ნაწილი კი ფინანსურ დახმარებაზე გადანაწილდება.
გარდა ამისა, სტარმერმა ხაზგასმით აღნიშნა, რომ გაერთიანებული სამეფო მზად არის პარტნიორებთან ერთად იმუშაოს რუსეთზე ზეწოლის გასაძლიერებლად. ამასთან, ცნობილი გახდა, რომ მიმდინარე კვირაში ბრიტანეთი რუსული კომპანიების წინააღმდეგ ახალ სანქციებს დააწესებს, რაც სამხედრო მიწოდების ჯაჭვების შეფერხებას ისახავს მიზნად.
BM.GE
წყარო: bm.ge