ბულგარეთის ექსკლუზიურ ეკონომიკურ ზონაში 2 სავაჭრო გემზე დრონებით იერიში განხორციელდა
შავ ზღვაში, NATO-ს წევრი ბულგარეთის ექსკლუზიურ ეკონომიკურ ზონაში ორ სავაჭრო გემზე იერიში დრონებით მიიტანეს.
აღსანიშნი ფაქტია, რომ ალიანსის წევრი სახელმწიფოს ეკონომიკურ სივრცეში კომერციულ ხომალდებზე თავდასხმა პირველად მოხდა. ამჟამად, ადგილობრივი სამართალდამცავი უწყებები შემთხვევის ადგილზე მუშაობენ და გამოყენებული უპილოტო აპარატების წარმომავლობას დეტალურად იკვლევენ.
უკრაინის პრეზიდენტმა ვოლოდიმირ ზელენსკიმ თავდასხმის ორგანიზებაში პირდაპირ რუსული მხარე დაადანაშაულა. ბულგარეთის პრეზიდენტმა რუმენ რადევმა კი მომხდარი მწვავედ შეაფასა და ის საერთაშორისო საზღვაო სამართლის უხეშ დარღვევად გამოაცხადა.
აღსანიშნავია, რომ შავი ზღვის აკვატორიაში ვითარება დღეს რუსეთის სამხრეთ სანაპიროსთანაც გამწვავდა. რუსეთის ტრანსპორტის სამინისტროს განცხადებით, უკრაინულმა მხარემ სამშაბათს საღამოს ნავთობმზიდ ტანკერზე იერიში მიიტანა. უწყების ცნობით, ლიბერიის დროშის ქვეშ მცურავ ხომალდს თავს საზღვაო დრონები დაესხნენ.
დარტყმის შედეგად ნედლი ნავთობი პირდაპირ ზღვის წყლებში დაიწვა და მასშტაბური ხანძარი სწრაფად გაჩნდა. ცეცხლისგან წარმოქმნილი შავი კვამლის უზარმაზარი ღრუბელი საკურორტო ქალაქ სოჭის ნაწილს გადაეფარა.
ცნობისთვის, შავ ზღვაში კომერციული ნაოსნობის უსაფრთხოების საკითხი რეგიონში მიმდინარე დაპირისპირების ფონზე განსაკუთრებითაა გამწვავებული.
BM.GE
წყარო: bm.ge