"ბურატინოში" თითოეული ტრანზაქციიდან 1 ლარი დიუშენის დისტროფიის მქონე ბავშვების ფონდში გადაირიცხება

ხვალ, სათამაშოების მაღაზია "ბურატინოში" თითოეული ტრანზაქციიდან 1 ლარი გადაირიცხება დიუშენის დისტროფიის მქონე ბავშვების ფონდში. ამის შესახებ "ბურატინოს" განცხადებაში წერია.

"სიკეთე გადამდებია! ვუერთდებით სულაკაურის გამომცემლობა • Sulakauri Publishing-ის ინიციატივას და ხვალ, 23 მაისს, ბურატინოს ოთხივე ფილიალში განხორციელებული თითოეული ტრანზაქციიდან 1 ლარი გადაირიცხება დიუშენის დისტროფიის მქონე ბავშვების ფონდში. წამალი ბავშვებს!", - წერია განცხადებაში.

ცნობისთვის, დღეს მსგავსი განცხადება გააკეთა "სულაკაურის გამომცემლობამაც".

შეგახსენებთ, რომ “დაიცავი ილიაუნი” ლაივ სტრიმის მეშვეობით აგროვებს თანხას დიუშენის კუნთოვანი დისტროფიის მქონე ბავშვების ყოველდღიური საჭიროებებისთვის (სასუნთქი აპარატები, მედიკამენტები, ეტლები, მასაჟები…). ამ დროისთვის 426 000 ლარი უკვე შეგროვდა.