დადასტურებულია 1750 ახალი სესხი - როგორია სააგენტოს "აწარმოე საქართველოში" აქტივობები?
სახელმწიფო პროგრამის „აწარმოე საქართველოში“ უნივერსალური ინდუსტრიული ნაწილის მიმართულებით წელს 600 ახალი სესხია დადასტურებული, საკრედიტო საგარანტიო სქემის ფარგლებში 350 ახალი სესხი, ხოლო მიკრომეწარმეობის ხელშეწყობის პროგრამის ფარგლებში - 800 ახალი სესხი.
ჯანდაცვის სამინისტრომ დასაქმების პოლიტიკის დაგეგმვისა და განხორციელების 2025 წლის ანგარიში მოამზადა, სადაც მათ შორის სააგენტოს "აწარმოე საქართველოში" აქტივობებზეცაა ინფორმაცია მოცემული.
აღსანიშნავია, რომ მთავრობა "აწარმოე საქართველოშის" და ყოფილი "საქართველოს განვითარების ფონდის" ბაზაზე "ეკონომიკის განვითარების კორპორაციის" დაფუძნებაზე მუშაობს.
უფრო დეტალურად, სააგენტოს უნივერსალური ინდუსტრიული ნაწილის მიზანია მეწარმეობის განვითარება, მეწარმე სუბიექტების მხარდაჭერა, ახალი საწარმოების შექმნისა და არსებული საწარმოების გაფართოების ან გადაიარაღების ხელშეწყობა, კერძო სექტორის კონკურენტუნარიანობის ამაღლების ხელშეწყობა მათთვის ბიზნესის ხელშემწყობი მრავალფეროვანი და უნივერსალური მექანიზმის შეთავაზებით.
2025 წელს განხორციელდა შემდეგი აქტივობები:
• დადასტურებულია 499 ახალი სესხი, საერთო ღირებულებით 429,616,293 ლარი; • ბენეფიციარების რაოდენობა - 431; • დამტკიცებული პროექტების მიხედვით გათვალისწინებული ახალი სამუშაო ადგილების რაოდენობა - 3,961; • თანადაფინანსება სულ გადაერიცხა 1,875 სესხს; • გაწეულმა თანადაფინანსებამ ახალ და არსებულ სესხებზე შეადგინა 30,371,827 ლარი.
2026 წლის სამომავლო გეგმები:
• დადასტურებულია 600 ახალი სესხი; • ბიუჯეტი 41,420,000 ლარი.
საკრედიტო საგარანტიო სქემა - მიზანია ფინანსებზე წვდომის გაუმჯობესება იმ მცირე და საშუალო ბიზნესებისთვის, რომელთაც არ აქვთ შესაძლებლობა, დააკმაყოფილონ სესხის უზრუნველყოფაზე არსებული მოთხოვნები (სრულად ან ნაწილობრივ), ეკონომიკის დაკრედიტების ხელშეწყობა, ინკლუზიური ეკონომიკური ზრდის უზრუნველყოფა და ეკონომიკური გაჯანსაღების ხელშეწყობა.