დაგროვებითი პენსიით 35 793-მა ადამიანმა ისარგებლა - საშუალოდ თითოეულზე 5 174 ლარი გაიცა
BM.GE|bm.ge
2026 წლის 31 აგვისტოს მდგომარეობით, დაგროვებითი პენსიით 35 793-მა ადამიანმა ისარგებლა, მათზე გაცემული პენსიის ჯამურმა მოცულობამ კი 185,189,254.01 ლარი შეადგინა.
ამ მონაცემების მიხედვით, ერთ მიმღებზე საშუალოდ 5 174 ლარი მოდის.
ამასთან, საპენსიო სქემაში გაწევრიანებულ მონაწილეთა რაოდენობამ აგვისტოს ბოლოს 1 მილიონ 769 ათას ადამიანს მიაღწია.
აგვისტოს ბოლოს საქართველოს საპენსიო ფონდის ჯამური აქტივები 10 მილიარდ ლარს მიუახლოვდა, ხოლო ფონდის არსებობის განმავლობაში დაგენერირებულმა ჯამურმა წმინდა სარგებელმა (ამონაგებმა) 2.9 მილიარდ ლარს გადააჭარბა.
შენიშვნა: 5 174 ლარი არის საშუალო მაჩვენებელი - რეალურად მიღებული თანხა მონაწილეებს შორის განსხვავებულია.
გაზიარება:
BM.GE
წყარო: bm.ge