დარწმუნებული ვარ ირაკლის [ბენდელიანი] პატიოსნებაში და იგივე ეხება [ირაკლი] ხმალაძეს - კახა კალაძე

"დარწმუნებული ვარ ირაკლის [ბენდელიანი] პატიოსნებაში და იგივე ეხება ხმალაძეს", - ამის შესახებ თბილისის მერმა კახა კალაძემ „რუსთავი 2“ - ის ეთერში გადაცემა „დებატებში“ განაცხადა, სადაც პოლიტიკოს ნიკა ობოლაძის შესაბამის კითხვას უპასუხა.

კალაძის განცხადებით, სინამდვილეს არ შეესაბამება ბრალდება იმასთან დაკავშირებით, თითქოს მის მოადგილეს ირაკლი ბენდელიანს ტვერელის ეკლესიის წინ აშენებულ კორპუსში საცხოვრებელი ფართი სიმბოლურ ფასად აქვს შეძენილი.

„ირაკლი ბენდელიანზე დამისვით კითხვა და ახლა მომწერა მან: 2011 წელს აქვს ნაყიდი 55 კვ მეტრი ფართის ბინა, ისიც ბანკის სესხით, სხვა მისამართზე. ასევე 2016 წელს ააქვს შეძენილი ბინა ტაბიძის 49 ნომერში, რომლის ბანკის სესხს დღესაც იხდის.

ამიტომ ვამბობ, რომ არ უნდა დაეყრდნოთ ამ ტიპის ინფორმაციებს, რომელიც ძირითადად ტყუილია“, - ამბობს კალაძე.